Komisioni ‘ad-hoc’ për vlerësimin e kandidatëve që do të përbëjnë organet e Vettingut po zhvillon seancën e dytë dëgjimore me aplikantët.

Para Komisionit u paraqit edhe ish-kryeprokurorja, Ina Rama, që kandidon për Kolegjin e Apelimit.

Para anëtarëve të Komisionit, Rama tha se gëzon besueshmërinë e publikut për këtë rol.

‘Unë gëzoj besueshmërinë e publikut për këtë rol. Kam qenë e paanshme, nuk jam pranë asnjë force politike. Kam hetuar çështje ku kanë qenë të përfshirë aktorë politik. Nuk kam asnjë lloj komunikimi me kryeministrin Rama, E dua gjyqësorin, 5 vite beteja ligjore që të rikthehesha’. – tha Rama gjatë fjalës së saj.

Por i menjëhershëm ka qenë reagimi i deputetit demokrat, Flamur Noka, i cili e pyeti nëse ishte në dijeni që është skualifikuar nga Gjykata e Strasburgut.

Në përgjigje të tij, ish-prokurorja e Përgjithshme, Ina Rama, u shpreh: ‘Arsyet nuk ishin personale, ishin shkaqe procedurale’.

DEBATI

Ina Rama: Nuk kam të afërm në sistemin e drejtësisë.

Flamur Noka: Keni lidhje me ndonjë force politike?

Rama: Jo.

Noka: Gezoni besueshmërinë e publikut?

Ina Rama: Besoj shumë. Gjate ushtrimit të funksioneve të mia kam punuar me përkushtim.

Noka: Akuzat ndaj jush bëjnë të humbni besueshmërinë?

Ina Rama: Jo nuk besoj. Nuk ndjehem e politizuar.

Flamur Noka: Jeni skualifikuar nga gjykata e Strasburgut, përse? Keni dijeni për arsyet?

Ina Rama: Lista u kthye mbrapsht per mosndjekje te procedurës nga Shqipëria. Arsyet ishin proceduriale. Asgjë personale.

Noka: A jeni mirënjohëse ndaj kryeministrit që ngul këmbe t’ju fusi në çdo institucion, duke propozuar emrin tuaj?

Ina Rama: Kjo s’ka lidhje me mua.

Noka: Gatë kohës si kryeprokurore keni pasur çështje të rëndësishme, që jeni akuzuar për përfshirje

Ina Rama: Unë nuk e kam ndjerë veten asnjëherë të politizuar për t’u përfshirë në çështje.

Prokuroria e Krimeve të Rënda ka kërkuar që në gjyqin kundër Emiljano Shullazit të thirren si dëshmitarë dy ish-ministrat e qeverisë Rama, ish-ministrja e Arsimit, Nikolla dhe ish-ministri i Brendshëm, Tahiri.

Ata do të pyeten lidhur me kërcënimet ndaj Mynyr Konit dhe Dhori Kules. Gjithashtu, prokuroria kërkoi seancën e sotme, që për të njëjtën çështje, të dëshmojnë edhe zyrtarë të policisë.

Haki Çako, drejtori i Përgjithshëm i Policisë së Shtetit e Ervin Hodaj, ish drejtori i Policisë së Tiranës, si dhe Mynyr Koni, rektori i Universitetit të Tiranës e Dhori Kule, paraardhësi i tij.

Mes të tjerash, Prokuroria akuzon grupin e Emiljano Shullazit për ngjarjen e prillit 2016 kur Dhori Kule e Mynyr Koni u kërcënuan me qëllim që profesor Koni të largohej nga gara për Rektor në këtë universitet.

Prokuroria e Tiranës ka hedhur poshtë pretendimet e policisë se në ngjarjen e Bulevardit ’Dëshmorët e Kombit’, ku u dëmtuan 146 mbështetës dëmtimi ka ardhur prozhektorët e pëdorur për ndriçim.

Policia referon në dosje si shkaktare të dëmeve në shëndetin e njerëzve prozhektorët e përdorur për ndriçim, prokuroria ka një tjetër qëndrim për ngjarjen.

Prokuroria ka nisur hetime për një vepër tjetër, që i përket kapitullit të veprave që prekin zgjedhjet e lira.

Në këtë mënyrë hetuesit ndahen për ngjarjen në bulevard, pasi sipas burimeve të prokurorisë, për të dalë në konkluzionin nëse ishin apo jo prozhektorët shkaktarët duhen pritur dy analiza shumë të rëndësishme për hetimin.

E para ka lidhje me analizat e gjakut të personave të dëmtuar, për të kuptuar nëse këta shtetas janë helmuar me ndonjë substancë tjetër.

Analiza tjetër ka lidhje me përgjigjet që do të sjellë Ministria e Mbrojtjes pas ekspertizës së kimistëve të ushtrisë edhe të veshjeve të të dëmtuarve.

Ish-presidenti Bujar Nishani, ka bërë një deklaratë për Zërin e Amerikës, duke thënë se mediat janë angazhuar politikisht për të goditur opozitën.

Gati 90 % e medias janë tërësisht në akuza ndaj opozitës dhe Bashës, ka thënë Nishani, kur vëmendja duhet të drejtohet ndaj problemeve që kanë qytetarët shqipatarë.

Si President i Republikës, më vjen keq të shoh se shpesh herë, deri deri dhe në situata qesharake, kalohet kur gati 90% e establishmentit politik, 90% e medias, janë tërësisht në akuza ndaj opozitës. Shqipëria në këtë rast përbën rastin unikal në vendet demokratike, në vendet pluraliste, ku i gjithë ky angazhim i përmasave të mëdha adresohet për të sulmuar opozitën. Në një kohë unë mendoj që në përgjithësi energjitë për opozicion duhen drejtuar ndaj fenomeneve, ndaj problematikave që kanë qytetarët shqiptarë, shqetësimeve të tyre, jetës së tyre ekonomike. Ndaj ky angazhim shumë i sofistikuar, edhe ditët e fundit, ndaj opozitës, kryesisht ndaj liderit të opozitës, zotit Basha, duket që, dhe krijon perceptimin, gati gati bindjen, që gjithçka është e instrumentalizuar politikisht ndaj opozitës dhe ndaj liderit të opozitës”-deklaroi Nishani

Drejtoria e Përgjithshme e Tatimeve njofton individët punëmarrës se nga  data 1 Qershor 2017, sportelet e Shërbimit të Tatimpaguesve në territor nuk do të ofrojnë më shërbimin e lëshimit të vërtetimeve “Për kontributet e sigurimeve shoqërore e shëndetësore” për individët punëmarrës, shkruan monitor.

Individët punëmarrës, nga data 1 Qershor 2017, do të drejtohen pranë zyrave rajonale të Institutit të Sigurimeve Shoqërore të vendbanimit të tyre për të marrë këtë shërbim.

Duke filluar nga kjo datë, janë zyrat Rajonale të Institutit të Sigurimeve Shoqërore, të cilat ngarkohen dhe do të japin, vërtetimin “Për kontributet e sigurimeve shoqërore e shëndetësore për individët”, çdo individi që kërkon të pajiset me të.

Kandidati për deputet për qarkun e Shkodrës, Helidon Bushati, me anë të një postimi në rrjetin social Facebook, ka bërë publik qëndrimin e tij, se ndonëse renditet i katërti në listën e kandidatëve për deputetë të Shkodrës, pozicion ky i quajtur si i sigurtë, ai dorëhiqet.

Në postimin e tij ai falënderon kryetarin e PD-së Lulzim Basha, për besimin e dhënë dhe për shkak të kësitj besimi ai ndihet i detyruar që të heqë dorë për të maksimalizuar rezultatin e PD-së në këto zgjedhje.

Ky është postimi i Bushatit në Facebook: