Ditën e sotme, ish-kryeministri Sali Berisha ka sulmuar një zyrtar të Komisionit Europian. Nga çadra e protestës, Berisha pretendon se një zyrtar nga Brukseli erdhi në Tiranë si misionar për të blerë mandate për llogari të Ramës.
Berisha nuk përmend emër, por thotë se ky zyrtar takoi partitë aleate të PD duke i kërkuar atyre të hyjnë në zgjedhje.
‘’ Këtu para 5-6 ditësh erdhi një misionar, erdhi dhe mblodhi parti të tjera të opozitës. Ta kishte dërguar Kominterin i Josif Stalinit, ndryshe nuk mund tu fliste. Çfarë u tha drejtori që erdhi nga Brukseli kryetarëve të partive opozitare?! U tha; tani lereni PD dhe Lulzim Bashën të kalben në çadër, por futuni merrni ato mandate se u erdhi radha. Erdhi me misionin të shkatërrojë opozitën, erdhi të ndërtojë opozitën sipas Edi Ramës. Dy gjëra do ti them atij: Sigurisht ti nuk erdhe nga Kominterni, sepse Kominterin ka degada që ka përfunduar në koshin e historisë. I sigurtë jam se nuk more porosinë nga Komisioni i BE, sepse ky është institucione që ndërtohet mbi ligje demokratike, por ti erdhe ose si anëtar i klubit 4700 euro metri katror ose erdhe si anëtar i klubit të kanabisit të Tiranës. Por misionin tënd të turpshëm je treguar i pamend, sepse ata burra që takove atë ditë, përfaqësues të partive aleate i kanë këtu aleatët prej 56 ditësh. Dëgjo tani, se edhe emrin nuk ta di: Nëse ata nuk do kishin ardhur në këtë çadër me vullnetin e tyre të lirë, Edi Rama do tu kishte bërë atyre çdo shpërblim, nëse ata nuk do ishin në çadër Edi Rama do të ishte i gatshëm ti falte nga një magazinë si ajo e Përmetit me drogë. Na kujtove ato kohërat e Perandorisë Osmane, kur Sulltani para se të dërgonte ushtritë dërgonte qeset me para, erdhe këtu të blesh mandate për llogari të Ramës, turpi të mbuloftë. Thirrja ime për KE: largojeni këtë njeri nga Komisioni, largoni njerëzit e korruptuar nga Komisioni. Ky është një akt i turpshëm dhe nuk i bën nder as Komisionit dhe as vendit nga i cili ka ardhur.’’- tha Berisha.
Sali Berisha gjithashtu i është përgjigjur edhe kryeministrit Rama duke i thënë se ka ofenduar shqiptarët me shprehjen tokë e “xanun”
‘’ Së pari me shprehje tënde prej ordineri ti mendove se mund të fyesh ata që përdorin faljen “xanun”, por harron që ata janë shumicë në diellin shqiptar. Harron se ky është një akt përçarës i turpshëm, por harron se po të garantoj ty se ata dhe secili prej tyre janë 1000 herë me njeri sesa ti. Ata i thonë Shqipërisë Shqipëri dhe e duan këtë vend më shumë se ti. Ata i thonë familjes familje dhe nuk ndajnë kurrë konceptin që ti ke për familjen, sepse ata i thonë dinjtetit njerëz dinjitet dhe i bindur të jesh ti se janë të gatshëm të të bëjnë ty që lana të të duket vaskë floriri. Por ti Edi Rama je verbuar, ti nuk lexon çfarë shkruhet në muret e çadrës. Në çdo centimetr shkruhet “guxo po deshe”. Ti sillesh si skuth, nga një studio në një tjetër duke u zënë me gazetarët, edhe njëherë guxo po deshe.’’- përfundoi ai.

Ben Blushi, kryetari i LIBRA-s mësohet se ditën e sotme nuk ka marrë pjesë në Kuvend. Lajmin e bën me dije vetë Blushi në Facebook, duke sqaruar dhe arsyet.
Statusi i Blushit:
PSE NUK SHKOJ SOT NE PARLAMENT.
Kam vendosur të mos shkoj sot në Kuvend. Dua të kuptoni si funksionon një parlament pa ide, pa debat dhe pa kundërshtarë. Kështu mund të jetë parlamenti i katër viteve të ardhshme nëse LIBRA vendos të mos jetë pjesë e kësaj komedije burokratike.

Kreu i PD, Lulzim Basha i ka akuzuar disa herë diplomatët e huaj për përkrahje të pozicionit Kryeministrit Rama për reformën në drejtësi, por asnjëherë më parë nuk kishte folur si këtë të mërkurë në çadrën e protestës për çështjen e vettingut.

“Edi Rama komploti është zbuluar. Projekti i vettingut është një projekt mafioz ku janë përfshirë diplomatë të lartë në Tiranë për llogari të Edi Ramës, kanë marrë peng ekspertë të BE-së. Bashkëkomplotistët e t’u janë dekonspiruar dhe i pret gjykimi në institucionet ndërkombëtare”, thotë Basha.

Lulzim Basha nuk përmendi emrat e diplomatëve, por duke e lidhur qëndrimin e opozitës me kanabizimin e vendit, Basha replikoi me raporterin europian për Shqipërinë, i cili ishte kundër krijimit të një qeverie teknike si në Maqedoni.

“Të pranojnë shqiptarët që të shkojnë në zgjedhje me Kryeministrin komandant të ushtrisë së drogës? Kurrë nuk do ta pranojnë. Prandaj miku ynë Knut një të vërtetë ka thënë; asgjë nuk ka të përbashkët me situatën në Maqedoni para zgjedhjeve, sepse këtu është 10, 100 herë më keq”, deklaroi kreu i PD.

Lulzim Basha e cilësoi ofertën e qeverise teknike si një ofertë zemërgjerë në kushtet, kur sipas tij, opozita beson se qeveria nuk i ka shkatërruar bimët narkotike, sipas një procedure të caktuar, por ka bashkëpunuar me krimin për ruajtjen në magazina dhe tunele.

“Dhe jemi në të drejtën tonë të kërkojmë jo vetëm largimin, por arrestimin dhe procedimin e kreut të kësaj masakre”, thotë Basha. A mund të ketë zgjidhje? Mesazhi i Lulzim Bashës ka një kusht të pandryshueshëm.

“Ta harrojë çdokush pavarësisht se nga cila majë e thanës flet, se ne do të tërhiqemi pa largimin e Edi Ramës nga karrigia kryeministrore. Ky është kushti minimal për zgjedhje të lira e të ndershme”, këmbëngul kreu i opozitës.

Në qytetin e Skraparit ëshët zbuluar një labrator droge modern. Mësohet se ky zbulim është bërë në bazë të një hetimit të Prokurorisë së Krimeve të Rënda.

Laboratori është zbuluar në vijim të operacionit të dy javëve më parë ku u gjetën 1.2 ton drogë, ku në të janë gjetur bimë të mbjellja në vazo (mbi 2000 rrënjë), si edhe një sasi e madhe kanabisi i tharë. Prokuroria e Krimeve të rënda thotë se laboratori është ndër më modernët të zbuluar deri tani, për përpunimin e lëndës narkotike.