Një aksident i rëndë ka ndodhur ditën e sotme në aksin rrugor Gostimë – Mollas, Elbasan ku si pasojë kanë mbetur të plagosur dy të rinjë. Mësohet se një mjet tip Volksëagen” me targa KV 3598 B, i drejtuar nga shtetasi Ibrahim Braushi doli nga rruga dhe si pasojë u plagosën M.H, 22 vjeç dhe I.GJ, 20 vjeç të dy banues në Kuçovë.

Policia njofton se të plagosurit pasi morën ndihmën mjekësore në spital, janë larguar. Ndërsa policia arrestoi drejtuesin e mjetit 26 vjeçarin Barushi.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkelja e Rregullave të Qarkullimit Rrugor” dhe “Largimi nga vendi i aksidentit” parashikuar nga nenet 290 dhe 273 të Kodit Penal.

Gjatë operacionit të fikjes së zjarrit në Bibliotekën Kombëtare, mësohet se zjarrfikësit janë asfiksuar dhe ka arritur menjëherë ambulanca.

Të gjithë punonjësit e bibliotekës u evakuuan nga zjarrfikësit dhe policia, ndërsa një prej rojeve, Arjan Çeçit, i ra të fikët, i asfiksuar nga tymi.

Sipas disa informacioneve disa prej zjarrfikësve nuk janë ndjerë mirë, pasi janë parë në dritare duke u kollitur. Në ndihmë, personeli u ka dhënë bombola oksigjeni, ndërkohë që zjarri është përhapur në tre katet e nëndheshme. Sinjali i alarmit në Bibliotekën Kombëtare nuk ka pushuar ende së rëni.

Ndërkohë mësohet se deri tani nuk ka të lënduar nga përhapja e flakëve, ndërsa nuk dihet ende se cilat janë të gjitha dëmet materiale. Deri tani raportohet që një sasi e konsiderueshme e librave me pasuri kombëtare janë djegur.

Zëvendësministri i Kulturës Zef Çuni, tha se janë fare pak libra të djegur dhe pjesë e një fondi të parëndësishëm.

Nga hetimet e para dhe këqyrja e kryer nga ekspertët, dyshohet se zjarri ka pasur si shkak ngarkesën e elektrike në rrjetin e bibliotekës.

Në vendin e ngjarjes kanë arritur tre zjarrfikëse. Zjarri mendohet të jetë shkaktuar nga një shkëndijë elektrike, pasi në Bibliotekën Kombëtare ka kohë që nuk është vënë dorë restaurimi. Biblioteka Kombëtare e Shqipërisë u hap në vitin 1920 në Tiranë.

Biblioteka Kombëtare është përfshirë nga flakët paraditen e sotme. Mësohet se zjarri ka përfshirë katin e nëndheshëm të Bibliotekës, aty ku gjendet fondi i këtij institucioni. Ende nuk dihet shkaqet e rënies së zjarrit, ndërsa policia dhe zjarrfikëset ndodhen në vendin e ngjarjes.
Nga të dhënat e para bëhet e ditur se nuk ka të lënduar, por nuk dihet nëse zjarri ka shkaktuar dëme materiale.

Ambasadori i Shteteve të Bashkuara në Tiranë Donald Lu është shprehur se pret që ministri i ri i Brendshëm, Fatmir Xhafaj, i emëruar pak ditë më parë, “të luftojë në mënyrë aktive krimin e organizuar dhe të veprojë në mënyrë të paanshme teksa vendi përgatitet për zgjedhjet”.

I pyetur nga Zëri i Amerikës, për lëvizjet në qeveri dhe kryesisht për ndryshimin e kreut të Ministrisë së Brendshme ambasadori amerikan theksoi se “që lufta kundër krimit të organizuar dhe narkotikëve në Shqipëri të ketë sukses, ka nevojë për energji të reja.

Nëse zoti Xhafaj punon në mënyrë agresive kundër narkotikëve dhe krimit të organizuar, ai do të ketë mbështetjen tonë të plotë”, thekson ambasadori Lu duke vënë në dukje bashkëpunimin e mëparshëm më zotin Xhafaj, kryesisht në procesin e reformës në Drejtësi.

“Ne kemi punuar ngushtë me zotin Xhafaj si kreu i komisionit të ligjeve të kuvendit dhe për reformën në drejtësi”, përfundon deklarata e ambasadorit amerikan për Zërin e Amerikës.

Katër ministrat e rinj pritet të dekretohen nga presidenti i republikës, Bujar Nishani, i cili do të vendosë pas një procesi verifikimi te pastërtisë së figurës.