Gjykata e Apelit për Krimet e Rënda ka dhënë ditën e sotme vendimin për 10 anëtarët e organizatës “Hakmarrja për Drejtësi”, një proces gjyqësor i cili ka zgjatur rreth dy dekada. Mësohet se 10 personat janë deklaruar të pafajshëm.

Pafajësi është dhënë për Orik Shyti, Altin Arapi, Gentian Caka, Nikolin Novruzaj, Roland Shyti, Leart Shyti, Kreshnik Spahiu, Pasho Novruzaj, Gezim Gjoni, Dritan Hate.
Gjykimi i 10 të pandehurve të akuzuar si anëtarë të organizatës “Hakmarrja për Drejtësi” ka nisur që në vitin 1998.
Gjykimi ndaj tyre është bërë në mungesë pasi pothujse të gjithë janë larguar jashtë Shqipërisë pas hapjes së burgjeve ne vitin 1997 ku madje kanë fituar edhe azil politik .
Akuzat e ngritura ndaj kësaj organizate lidhen me ngjarje të rënda, si vendosja e bombës tek supermarketi i VEFA pranë 9-katësheve, vrasja e ish-drejtorit të Burgjeve, Bujar Kaloshi, vjedhje të bankave dhe arkave të shtetit, rrëmbim dhe disa vrasje e tentativa vrasjesh. Të pandehurit janë dënuar nga gjykata shqiptare më dënime që varjojnë nga 5 vite burg deri në burgime të përjetshme.

Një aksident i rëndë ka ndodhur në Elbasan mëngjesin e sotëm, ku si pasojë kanë mbetur të plagosur 3 persona. Policia bën me dije se shtetasi Lulëzim Kasa, 43 vjeç, banues në Belësh drejtuar mjetin tip “KIA” me targa AA 052 BF, në aksin rrugor Cërrik – Belësh në gjendje të dehur, është përplasur me mjetin tip një mjet veturë me targa AA 825 FZ drejtuar nga K.B, 21 vjeçe banuese në Belësh.

Si pasojë është aksidentuar drejtuesi i mjetit me targa AA 052 BF, si dhe B.T, 22 vjeçe dhe A.B, 18 vjeçe të cilat ishin pasagjere në mjetin me targa AA 825 FZ.
Ata janë dërguar në Spital dhe ndodhen nën kujdesin e mjekëve jashtë rrezikut për jetën.
Ndërsa policia ka prangosur drejtuesin e mjetit që ka shkaktuar aksidentin, Lulëzim Kasën.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkelja e Rregullave të Qarkullimit Rrugor” dhe “Drejtimi i automjetit në gjendje të dehur”

Lulzim Basha vjen me bindje të fortë për ndryshim dhe për të hedhur poshtë qeverinë Rama. Gjatë një takimi me të rinjtë në selinë e partisë kryedemokrati Lulzim Basha, teksa foli për protestën e 18 shkurtit tha se duhet ndjekur një shembull që tashmë e ka parë gjithë bota, protestat në Rumani.
“Shembullin e fundit në Rumani e ka parë gjithë bota, shqiptarët, rinia shqiptare nuk mund të bjerë poshtë këtij shembulli.
Kjo është në dorën e gjithsecilit. Unë jam produkt i kësaj hapje, hajes së Shqipërisë dhe PD. Këtë bekim dhe shans dua ta bëj të mundur sot për gjithsecilin që është këtu”, tha Basha.

Nënkryetari i LSI-së, Luan Rama gjatë fjalimit të mbajtuar në Konventën Zgjedhore të Tiranës sulmoi qeverinë për cështjen e kanabisit.

Duke falenderuar rininë në sallë për energjinë dhe forcën, theksoi se ajo nuk e meriton të jetë pjesë e një vendi të kanabizuar.

“Nuk e meritoni të quheni rina e një vendi të kanabizuar, e një vendi të kriminalizuar sepse një pjesë e politikës guxoi ta fuste krimin edhe brenda radhëve të saj”, tha ndër të tjera Luan Rama.

Ndërkohë kryetari Meta u shfaq i qetë dhe me mesazhe të qarta gjatë fjalimit të mbajtur, edhe pse nuk e la rastin pa iu referuar fjalës së nënkryetarit. “Po ta dija qe Luan Rama do ta kishte fjalën kaq te zjarrte do flisja përpara tij”.

Meta dha mesazh të fuqishëm gjatë fjalës së tij, duke u shfaqur si kreu i një partie që ka në plan të parë të ardhmen e vendit dhe prioritet të rinjtë.

“Me koncesion nuk jepet dinjiteti i Shqipërisë dhe të rinjve e të rejave të vendit, sepse ata nuk kanë asnjë kompleks nga e kaluara e tyre, se janë të pashantazhueshëm nga kushdo, ata nuk kanë vetëm dëshirë, por edhe aftësinë ti dalin zot vendit të tyre dhe jam i bindur se zgjedhjet e 18 qershorit do të konfirmojnë këtë fuqi vullkanike të rinisë shqiptare”- tha ai.

Vazhdojne arrestimet e qytetarëve që tentojnë ti japin rryshfet policëve. Rasti i radhës është një 30-vjeçar nga Kavaja.

Syrja Leçini është ndaluar nga efektivët e policisë rrugore pasi ishte futur në një parakalim të gabuar në vendin e quajtur baipasi i Rrogozhinës.

E për ti shpëtuar masës administrative, ai ka zgjedhur rrugën më të shkurtër, atë që bëjnë shpesh pjesa më e madhe e shqiptarëve: t’i jap lekë efektivit.

Bashkë me letrat ai kishte futur dhe një 1 mijë lekësh, por për këtë veprim i janë vënë prangat nga uniformat blu .