Në daljen e fundit publike për vitin 2016 kryetari i bashkisë së Beratit Petrit Sinaj ka bërë një panoramë të investimeve publike për vitin që po lëm pas dhe ka premtuar më shumë realizime për vitin që do të vij. ‘Ndonëse kemi pasur një buxhet modest për këtë vit kemi arritur që të zgjedhim disa nga problemaikat më të mëdha, është shprehur ai.

U realizuan disa projekte madhore që bashkisë së Beratit i kishin munguar prej vitesh. Përfundimi investimi i pedonales së qytetit. Reabilitimi i rrugës nga stadiumi i vjetër në drejtim të sigurimeve shoqërore prej 350 milionë lekë të reja. Është duke u punuar në drejtim nga Ura e Goricës në drejtim të Urës së varur për reabilitimin e trotuareve. Sistemi i shpërndarjes së ujit të pijshëm në qytet nga kredia e KFV-së, por dhe investimi i ujit të pijshëm në fshatin Bilçë, sistemi i vaditjes me një investim prej 700 milionë lekë.

Nga ana tjetër kryetari i bashkisë është shprehur se priten për vitin 2017 që të realizohen shumë projekte të reja.

Berati e meriton që të ketë më shumë investime nga qeveria, më shumë projekte kombëtare dhe nënkombëtare, duhet ta ruajmë qytetin ta mbajmë pastër dhe ta provojmë”, ka thënë ai.//

Komisioni Qendror i Zgjedhjeve është mbledhur mesditën e sotme, për të marrë vendim lidhur me fatin e mandateve të deputetëve Shkëlqim Selami dhe Dashamir Tahiri, por edhe të kryebashkiakut të Kavajës, Elvis Rroshi.

Me katër votat e mazhorancës pro dhe tre të anëtarëve të opozitës kundër, KQZ vendosi që përfaqësuesit e partive politike të mos e marrin fjalën gjatë procedimit, por vetëm në momentin kur duhet të shpjegohet vota.

Kryetari i KQZ, Denar Biba tha se KQZ nuk është gjykatë në asnjë lloj rasti dhe se duke qenë se është hera e parë që trajtohet ligji për dekriminalizimin, do mundohet të bëhet më e mira lidhur me procedurën e ndjekur.

Mbledhja e sotme është vijim i asaj të martës, pasi KQZ kërkoi që Prokuroria e Përgjithshme të sjellë të dhëna të imtësishme lidhur me vendimet ndaj dy deputetëve dhe kryebashkiakut, para se të merret vendimi.

Në bazë të ligjit të “Dekriminalizimit”, Prokuroria e Përgjithshme kërkoi që tre zyrtarët duhet të ndërpresin mbajtjen e funksionit publik.

Kryeminsitri Edi Rama dëshmon ditën e sotme në komisionin hetimor parlamentar lidhur me çështjen “CEZ”.

I pyetur nga kryetari i komisionit, demokrati Edmond Spaho, nëse marrëveshja ka qenë e paravendosur, Kryeministri mohoi duke thënë shkurt dhe prerë “Jo”

I pyetur nga Spaho, nëse konfirmon se zgjidhja e marrëveshjes me “CEZ” është bërë menjëherë pas takimit të parë, pa bërë takimin e dytë dhe se takimet e tjera janë bërë formalisht, Rama mohoi.

“Këtë e thoni ju. Çfarë ka referuar këtu ministri Damian Gjiknuri është plotësisht e mbështetur nga ana ime. Nuk dua të dalim nga konteksti duke cituar pjesërisht një proces që ka një fillim vazhdim dhe fund, ndaj them, se shpjegimin e ministrit nga A-Zh e mbështes deri në fund, pastaj si lexohen dhe interpretohen kjo është ana juaj”, u shpreh Rama.

Në vijim shtoi se avokatë të ndryshëm, gjyqtarë të ndryshëm, japin mendime të ndryshme bazuar në të njëjtin ligj.

Nga ana e tij deputeti socialist Eduard Shalsi e pyeti Kryeministrin se pse u zgjodh zgjidhja me mirëkuptim dhe nuk u zgjodh rruga gjyqësore.

“Momenti kur ne morëm detyrën kërkonte një ndërhyrje sa më të shpejtë për një situatë që ishte jashtëzakonisht e komplikuar, humbjet ishin 50%. Të gjitha rrethanat favorizonin zgjidhjen miqësore të konfliktit për shkak të së kaluarës ku qeveria shqiptare e kishte dobësuar pozicionin e kompanisë”, tha ai, duke shtuar se rrezikohej kolaps energjetik dhe financiar.

Në këtë vijim shtoi se nëse komisioni dëshiron të nxjerrë konkluzione sipas pikëpamjeve të tyre, kjo nuk ndihmon. Në vijim shtoi se marrëvesheja me “CEZ” është bërë në prezencën e zv.drejtuesit të sekretariatit të energjisë në Vjenë në mënyrën më të plotë.

Rama tha se nuk beson se sekretariati i energjisë do të mbështeste një marrëveshje kundër interesave të popullit shqiptar.

“E vetmja gjë që mund të bënim është ajo që bëmë dhe rezultatet flasin vetë”, deklaroi Kryeministri. Rama shtoi se grupi negociator i cili ka trajtuar me interesin më të madh të gjithë asketet, edhe dokumentet, sugjerimet dhe mendimet e ndryshme, kanë bërë analizën e tyre dhe kanë bërë më të mirën për Shqipërinë.

Spaho deklaroi se nuk u drejtua për në Arbitrazh për shkak të gjendjes së trashëguar, duke thënë se ishte zgjidhja e qeverisë për të mos shkuar.

“Ajo që quani dokument është dokument, por është njëra pikëpamje dhe pikëpamja prevaluese ishte ajo që prevaloi e fundit, zgjidhja miqësore e një konflikti, ku Shqipëria nuk kishte asnjë shans të fitonte, ku pala tjetër na kishte ftuar në arenë pasi u përzu me dhunë nga Shqipëria”, tha Rama, duke shtuar se vendimi u mor nga grupi i angazhuar për marrjen e vendimit.

Sipas tij, procesi ka qenë spektakolar dhe zgjidhja ka qenë spektakolare, e cila tha ai, i ka dhënë vendit një mundësi që të marrë një kthesë në interes të vendit. Kreu i qeverisë shtoi se shpronësimi i dhunshëm i një kompanie, është aventurë me kosto për vendin.

Kryeministri akuzohet nga opozita se nën drejtimin e tij qeveria i ka falur kompanisë ceke “CEZ” rreth qindra milionë euro në këmbim të votës pro të Çekisë për progres raportin.

Drejtuesit e mjeteve ne kryeqytet duhet të bëjnë kujdes tani sepse ka dal një stil i ri aksidentesh, me qëllim! Janë këmbësorë të caktuar të cilët me paramendim provokojnë aksidente, për të përfituar nga siguracioni.

Eshte mësuar nga burimet brenda Policisë Rrugore e cila disa rastet ia ka kaluar për kompetencë seksionit të hetimit të aksidenteve.

Deri më tani, Policia Rrugore ka identifikuar dy individë të cilët janë vënë në hetim pasi dyshohet se kanë shkaktuar aksidente me qëllim.

Burimet thanë se është një grua rreth 50 vjeç, e cila ka disa raste që është përfshirë në aksidente të ngjashme, në rrugën “Siri Kodra”.

Ndërsa rasti tjetër i përket një burri rreth të 40-tave, i cili është shtrirë poshtë një taksie, e cila pasi lëvizi i dëmtoi gjymtyrët e poshtëm. Edhe ky person, është përfshirë në 4 aksidente të tjera si këmbësor, duke hedhur dyshime mbi vërtetësinë e tyre.

Rezulton në bazë të ekspertizës autoteknike se këta persona kanë qenë vetë shkaktar të aksidenteve.

Makina e një punonjësi të Shërbimit Informativ Shtetëror, është përfshirë nga zjarri në orët e para të mëngjesit të sotëm.

Policia bën me dije se ende pa zbardhur në lagjen “Sul Paprri” është djegur pjesërisht mjeti tip “Opel Corsa” me targa EL 7510 B në pronësi të shtetasit L.L., banues në Elbasan që e kishte të parkuar para derës së banesës.

Dyshohet se zjarrvënia mund të jetë e qëllimshme për shkak se është dëgjuar një shpërthim, ndërsa nuk dihen rrethanat e ngjarjes. Ndërkohë policia ndodhet në vendngjarje dhe po punon për përcaktimin e shkakut të rënies së zjarrit.

Pas ngjarjes tragjike të dy ditëve më parë në Tepelenë, ku një nënë dhe foshnja e saj u dogjën të gjallë pas rënies së zjarrit në një banesë, një tjetër rast i rëndë vjen nga Gjirokatra.

Në orën 00:57 të natës së lënë pas, në fshatin Saraqinisht të Gjirokastrës, në banesën 84- vjeçares O.Dh., ka rënë zjarr.

Si pasojë është djegur banesa si dhe ka marrë plagë të lehta në trup e moshuara, e cila jetonte e vetme në banesë.

Gruaja është dërguar për në spitalin Gjirokastër dhe aktualisht ndodhet jashtë rrezikut për jetën.

Nga hetimet paraprake dyshohet se si shkak i rënies së zjarrit dyshohet të ketë qenë një shkëndijë e dalë nga oxhaku.

Gjithsesi policia po heton për zbardhjen e rrethanave të ngjarjes.

Një foshnje vetëm 6 muajshe dhe nëna e saj kanë mbetur të vdekura në banesën e tyre si pasojë e një zjarri të rënë nga rrjedhja e gazit. Ngjarja tragjike ka ndodhur në Tepelenë.

Në katin e parë të pallatit ku banonte shtetasi G.Shehu ka rënë zjarr dhe për pasojë ka gjetur vdekjen gruaja e tij, Elona Shehu, 35 vjeçe, dhe djali 6-muajsh.

Paraprakisht dyshohet se shkak të ketë qenë rrjedhja e gazit nga bombola që përdorej për ngrohje në banesë. Për pasojë, ka pasur edhe shpërthim dhe gjithçka është shkrumbuar shumë shpejt. Ndonëse ndërhyrja e fqinjëve ka qenë e menjëhershme, askush nuk arriti të nxjerrë të gjallë nënë e bir, pasi flakët kanë përfshirë shumë shpejt banesën.

Zjarrfikëset mbërritën në vend pas sinjalizimit të dhënë, por lokalizimi i flakëve ishte tepër vonë, pasi 35-vjeçarja dhe foshnja e saj janë nxjerrë pa jetë.

Banorët/ “Ndodhi gjithçka shumë shpejt. Askush nuk arriti dot të hynte pasi flakët kishin përfshirë gjithçka. Kemi parë tmerr. Nuk e dimë cili mund të jetë shkaku, por kjo që ndodhi është një tragjedi shumë e rëndë për familjen. Ne dëgjuam një shpërthim, çka mund të ketë qenë bombola e gazit”, u shpreh një banor i pallatit.

Sipas tij, shumë prej fqinjëve ishin përpjekur të shuanin me kova uji e me mjete të tjera rrethanore, por nuk ia kishin dalë dot të shpëtonin viktimat.

Nëna kishte mbuluar foshnjen me trupin e saj

Në vendin e ngjarjes mbërriti edhe policia, e cila paraprakisht bëri të ditur se ka qenë rrjedhja e gazit ajo që shkaktoi këtë tragjedi në familjen Shehu. Zjarrfikësit kanë gjetur nënën 35-vjeçare të pajetë, e cila kishte mbuluar foshnjën e vet me trup me qëllim që flakët të mos depërtonin.

Sipas ekspertizës paraprake nga grupi hetimor i mbërritur në vendngjarje, bëhet e ditur se nëna ka dashur të shuajë flakët tek i biri i saj 6- muajsh rrobat e të cilit kishin marrë flakë. Në momentin e rënies së zjarrit, gruaja ka qenë e vetme në banesë së bashku me foshnjën e saj, ndërkohë që i shoqi së bashku me djalin tjetër 4-vjeçar nuk ndodheshin në banesë.

Ndërkaq komshinjtë rrëfejnë momentet që sollën tragjedinë. Ata kanë shpërthyer derën e jashtme të apartamentit ngjitur me të tyren dhe kanë luftuar me flakët për të shpëtuar çfarë të mundnin.

“Kova me ujë kemi hedhur në portën e jashtme, në korridor, me qëllim që të avanconim më tej që të shpëtonin Eldën dhe fëmijën e saj nga vdekja”, shprehet Rizai, komshiu përbri banesës së viktimës.