Tregu ku ndodhi ngjarja është në Breitscheidplatz, në afërsi të kishës Kaiser Wilhelm në Kurfuerstendamm.

Policia ka arrestuar drejtuesin e kamionit disa minuta pas tragjedisë, një person me origjinë afgane ose pakistaneze, ndërsa pasagjeri i tij, i cili dyshohet të jetë dhe bashkëpunëtor, gjeti vdekjen e menjëhershme.

“Momentalisht nuk dua të përdorë fjalën atentat, ndonëse shumë të dhëna çojnë në këtë drejtim”, tha ministri i Brendshëm gjerman, Thomas de Maizière.

Kamioni ishte nisur nga Italia dhe destinacioni final ishte Polonia. Mjeti duhet të ndalej në Berklin për të dorëzuar ngarkesën dhe drejtuesi i mjetit, kushëri i pronarit të kompanisë së transportit polake, kishte thënë se do të qëndronte atë mbrëmje.

Ka dyshime të forta se mjeti mund të jetë vjedhur gjatë udhëtimi

Turqia zgjohet sërish në momente paniku, pas ekzekutimit të bërë pasditen e djeshme të ambasadorit rus në shtetin turk.

Një person qëlloi me breshëri të shtënash drejt ambasadës amerikane në Turqi në orët e para të mëngjesit të së martës, duke shkaktuar momente frike.

I dyshuari për ngjarjen u arrestua nga policia. Për shkak të tensionit dhe panikut të krijuar, ambasada dhe konsullatat amerikane u mbyllën për arsye sigurie.

Ky sulm është i dyti tronditës pas atij të djeshmit, kur ambasadori rus, Andrei Karlov, i cili mbante një fjalim në ekspozitën ambasadës të hapur në kryeqytetin Ankara, u vra nga një i ri i veshur me kostum dhe kravatë i cili thirri “Allahu Akbar” dhe shtiu të paktën tetë herë.

Personi që sulmoi tha gjithashtu “Mos harroni Alepon, mos harroni Sirinë” dhe theu disa nga fotot e varura në ekspozitë. Policia e identifikoi të dyshuarin si Sahin S., i cili ishte i armatosur me një pushkë.

Bashkimi Evropian njoftoi se ka zgjatur sanksionet ekonomike ndaj Rusisë. Zgjatja e sanksioneve është bërë deri më 31 korrik 2017 pasi liderët e vendeve të BE-së e dhanë aprovimin e tyre për këtë në një samit të javës së kaluar.

“Këshilli i ka zgjatur sanksionet ekonomike që kanë cak sektorë të caktuar të ekonomisë ruse deri më 31 korrik, 2017”, thuhet në një komunikatë të Këshillit të BE-së.

Sanksionet kanë cak sektorët financiar, atë të energjisë dhe mbrojtjes si dhe materialeve që mund të përdoren për qëllime industriale dhe ushtarake.

Javën e kaluar, kancelarja gjermane, Angela Merkel dhe presidenti francez, Francois Hollande, i kanë dhënë përkrahje zgjatjes së sanksioneve.

Ata e kanë fajësuar Moskën se nuk i është përmbajtur marrëveshjes së arritur në Minsk, në shkurtin e vitit të kaluar përmes së cilës duhej dhënë fund konfliktit në Ukrainën lindore.

Rusia akuzohet se përkrahë separatistët që kontrollojnë një pjesë të Ukrainës lindore.

Autoritetet ruse thonë se së paku 33 njerëz në një komunitet siberian kanë vdekur ditëve të fundit, pasi kanë pirë locion për trup me përmbajtje të metanolit.

Komiteti Federal Hetues tha se dhjetëra banorë në qarkun Lenin të qytetit Irkutsk janë helmuar me locionin e quajtur Boyaryshnik, pavarësisht paralajmërimit në etiketë se nuk mund të konsumohet në organizëm.

Komiteti tha përmes një deklarate se 42 veta janë shtruar në spital dhe se 25 prej tyre kanë vdekur.

Dega lokale e Komitetit Hetues në Irkutsk tha më vonë se numri i të vdekurve është rritur në 33.

Zëdhënësi i Kremlinit, Dmitry Peskov, tha se helmimet janë “një tragjedi e tmerrshme që kërkon vëmendje”.

Helmimet me alkool zëvendësues janë të shpeshta në Rusi.