Kryetari i Partisë Mundësia, Agron Shehaj, ka reaguar pas deklaratës së një eurodeputeti, sipas të cilit autoritetet po ndjekin gjurmët e parave që dyshohet se janë nxjerrë për llogari të Edi Ramës jashtë Shqipërisë përmes familjarëve të tij.
Shehaj publikoi deklaratën e eurodeputetit të grupit të Partisë Popullore Europiane (EPP), Tomáš Zdechovský, i cili shprehet:
“Ne e dimë se ai vërtet e ka përdorur familjen e tij për të nxjerrë para jashtë vendit, dhe ne po ndjekim edhe gjurmët e parave.”
Sipas Shehajt, nëse kjo deklaratë rezulton e vërtetë, atëherë kryeministri Edi Rama po transferon pasuri jashtë vendit dhe mund të jetë duke përgatitur largimin e tij nga Shqipëria.
Ai theksoi se çdo pasuri e përfituar në mënyrë të paligjshme duhet të gjurmohet dhe se askush nuk mund t’i shpëtojë drejtësisë duke u larguar jashtë vendit.
“Nëse kjo deklaratë është e vërtetë, Edi Rama është duke përgatitur arratisjen e tij jashtë Shqipërisë dhe po merr me vete edhe paratë që iu ka vjedhur qytetarëve shqiptarë. Por kjo nuk ka për të ndodhur.
Kudo që të shkojë Edi Rama, nuk ka për t’i gëzuar kurrë paratë që iu ka vjedhur shqiptarëve, paratë që i ka vjedhur popullit më të varfër në Europë. Do të dalë para drejtësisë! Nuk ka rëndësi ku shkon, nuk ka rëndësi sa para merr me vete”, deklaroi Shehaj.
Linku i videos: https://www.facebook.com/watch/?v=1929033947754589
