Ministri i Brendshëm, Demiraj, ka publikuar nj status në Facebook, ku deklaruar se vënia e qëllimshme e zjarreve në pyje e kullota po shkatërron pasurinë kombëtare e po cënon sigurinë kombëtare.

Demiraj paralajmëron dënime të ashpra për të gjithë ata që do kapen.

‘Zjarrevenia e qellimshme rrezikon sigurine kombetare dhe pergjegjesit do te kapen e denohen ashpersisht’, shkruan ndër të tjera Demiraj.

Qytetar nga Durrësi është dëmtuar teksa është hedhur nga lartësia në det.

Sipas të dhënave mësohet se i dëmtuari është një 50-vjeçar me inicialet Xh.R., banues në lagjen 13 të Durrësit, i cili ka dëmtuar qafën pasi u hodh nga lartësia në det.

Pas kësaj është bërë transporti me urgjencë në spitalin Ushtarak të Tiranës, ku mësohet se është jashtë rrezikur për jetën.

Kreu i Emergjencave Civile, Shemsi Prençi, në një lidhje telefonike për televizionin News 24, është shprehur se vetëm gjatë ditës së sotme në të gjithë vendin janë regjistruar 17 vatra zjarri, ndërkohë që është bërë ndërhyrje në disa prej tyre edhe me helikopter.

Ai u ndal tek zjarri në Dajt, Llogara e Velipojë, ku tha se është bërë ndëryrje me helikopter për shuarjen e tyre.

Aktualisht zjarri në malin e Dajtit është nën kontroll me mbërritjen e helikopterit. U organizua një operacion i shpejtë për neutralimin e zjarrit. Operacione të ngjashme janë zhvilluar sot në zonën e Llogarasë në tre vatra zjarri, dhe një në Velipojë, që rrezikonte disa banesa. Ndërhyrja me helikopterë bëri të mundur fikjen e zjarreve. Një tjetër operacion po zhvillohet në Pogradec”, – u shpreh Prençi.

Prençi u shpreh se pjesa më e madhe e përgjegjësve të zjarrvënieve të qëllimshme gjatë këtij muaji, janë vënë para drejtësisë.

Policia ka raportuar se ditën e djeshme në spitalin e ‘Sanatoriumit’ apo të njohur edhe si ‘Shefqet Ndroqi’, ka humbur jetën një pacient i moshës 63-vjeçare.

Sipas policisë shtetasi me inicialet R.K., ka qenë i shtruar në spital.

Por familjarët kanë dyshime mbi ngjarjen e kësisoj bëhet e ditur se po pritet ekspertiza mjekoligjore për të përcaktuar shkakun e vdekjes së të ndierit.

Policia bën me dije se materialet u referuan në Prokurorinë e Rrethit Gjyqësor Tiranë.

Një ngjarje e rëndë ka ndodhur në Pogradec në fshatin Pojskë, ku një punonjës i Bashkisë ka mbetur i plagosur ndërsa përpiqej të shuante flakët e një sjarri të rënë në zonë.

Sipas policisë, 57-vjeçari me inicialet A.B, ka shkelur në një send/mjet shpërthyes, duke dëmtuar gjymtyrët e poshtme.

Në të tillë situatë ai është dërguar me urgjencë në Spitalin e Pogradecit.

Ky është njoftimi i policisë:

Më datë 01.08.2017 jemi njoftuar se në fshatin Pojskë, në një masiv pyjor me shkurre ka rënë zjarr.

Menjëherë në vendngjarje shkuan shërbimet e Policisë, Zjarrfikëset dhe Emergjencat Civile, të cilat vijojnë punën edhe aktualisht në një terren të vështirë e të thyer, për lokalizimin e flakëve.

Gjatë përpjekjeve për shuarjen e zjarrit, një punëtor i Bashkisë Pogradec, konkretisht shtetasi A.B, 57 vjeç, është plagosur si pasojë e shpërthimit të një sendi/mjeti shpërthyes (për përcaktimin dhe gjetjen e llojit të së cilit do të punohet pas shuarjes së zjarrit) duke marrë dëmtime në gjymtyrët e poshtme.

Shtetasi i mësipërm u transportua në Spitalin e Pogradecit, për të marrë mjekimin e nevojshëm.

Po punohet për shuarjen e zjarrit, zbardhjen e shkaqeve të rënies së tij, si edhe dokumentimin e plotë të ngjarjes.

Edhe sonte kryeqyteti është tronditur nga një ngjarje e rëndë, ku një plagosje me armë ka ndodhur në zonën e ‘Don Boskos’.

Burimet nga vendi i ngjarjes bëjnë me dije se forca të shumta të policisë kanë rrethuar zonën, ndërsa nuk ka detaje të tjera mbi ngjarje.

Kujtojmë mbërmjen e djeshme u vra duke u therur me thikë një 22-vjeçar në zonën pranë stadiumin ‘Selman Stërmasi’.

Lidhur me çështjen e Ismail Morinës janë përfshirë edhe figura të larta shtetërore, dhe përveç ministrit të Brendshëm ka reaguar edhe vetë kryeministri Rama i cili ka vënë në lëvizje kanalet diplomatike për mosekstradimin e Morinës në Serbi.

Rama ka kontaktuar direkt me Ambasadën Kroate  dhe po e ndjek çështjen e tij.

Ish-kryeministri Berisha gjithashtu u ka bërë thirrje në Facebook autoriteteve ndërkombëtare ta lirojnë menjëherë Ismail Morinën.

Interes ka treguar edhe kreu i FSHF-së, Armando Duka, dhe ministri i brendshëm, Dritan Demiraj i cili ka kontaktuar me amabsadoren kroate në Tiranë duke i kërkuar që ta gjykojnë drejtë këtë çështje.

Ismail Morina është arrstuar para pak ditësh nga autoritetet kroate dhe një Gjykatë e Shkallës së Parë në Dubronvik ka vendosur që ai të ekstradohet në Serbi.