Emergjencat Civile kanë evidentuar gjatë 24 orëve të fundit 8 vatra zjarri në pyje e kullota në qarqet Shkodër, Elbasan, Dibër, Vlorë e Gjirokastër.

Specialistët e Emergjencave Civile, janë duke mbajtur situatën në monitorim të vazhdueshëm në të gjithë vendin.

Qarku Shkodër 

Ka rënë zjarr në sipërfaqe me shkurre e ferra dhe hambullore në afërsi të disa banesave në fshatin Goraj, Njësia Administrative Kastrat, bashkia Malësi e Madhe.

Shërbimi vendor i MZSH të bashkisë Malësi e Madhe ka dërguar në vendngjarje 1 automjet zjarrfikës me personelin shoqërues që kanë shuar zjarrin.

Si pasojë e zjarrit u dogj një sipërfaqe prej rreth 0.2 ha me shkurre e ferra dhe hambullore.

Qarku Dibër

Ka rënë zjarr në shkurre dhe ferra pranë disa banesave në lagjen “Llixha” të qytetit Peshkopi.

Shërbimi vendor i MZSH të bashkisë Dibër ka dërguar në vendngjarje 1 automjet zjarrfikës me personelin shoqërues që kanë shuar zjarrin.

Si pasojë e zjarrit u dogj rreth 0.1 ha me shkurre dhe ferra.

Qarku Elbasan

Ka rënë zjarr në sipërfaqe me shkurre e ferra dhe pyll pishe në fshatin Paulesh, Njësia Administrative Pajovë, bashkia Peqin.

Shërbimi vendor i MZSH të bashkisë Peqin ka dërguar në vendngjarje 1 automjet zjarrfikës me personelin shoqërues që ka shuar zjarrin.

Si pasojë e zjarrit u dogj një sipërfaqe prej rreth 0.2 ha me shkurre e ferra dhe pyll pishe.

Ka rënë zjarr në sipërfaqe pylli me pemë ahu tek Mali i Babjes, në vendin e quajtur “Zalishte”, të fshatit Babje, Njësia Administrative Qendër Librazhd, bashkia Librazhd. Shërbimi vendor i MZSH të bashkisë Librazhd ka dërguar në vendngjarje 1 automjet zjarrfikës me 6 vetë, të cilët të ndihmuar nga 4 punonjës të pyjores kanë shuar zjarrin. Si pasojë e zjarrit u dogj rreth 0.3 ha sipërfaqe me pyll ahu.

Ka rënë zjarr në sipërfaqe me shkurre e ferra pranë pyllit me pisha në lagjen “Xhami” të qytetit Peqin. Shërbimi vendor i MZSH të bashkisë Peqin ka dërguar në vendngjarje 1 automjet zjarrfikës me personelin shoqërues që ka shuar zjarrin. Si pasojë e zjarrit u dogj një sipërfaqe prej rreth 0.4 ha me shkurre dhe ferra.

Ka rënë zjarr ne sipërfaqen me shkurre e ferra në kurorën me ullishte pranë lagjes “Vullnetari” të qytetit Elbasan. Shërbimi vendor i MZSH të bashkisë Elbasan ka dërguar në vendngjarje 2 automjete dhe 9 zjarrfikës, të cilët për shkak të terrenit të thyer punuan me mjete rrethanore dhe arritën të shuajnë zjarrin. Si pasojë e zjarrit u dogj 1 ha me shkurre e ferra dhe 3 rrënjë ullinj të moshës së vjetër.

Qarku Vlorë

Ka rënë zjarr në sipërfaqe me shkurre të ndryshme në fshatin Shkozë, Njësia Administrative Sevaster, bashkia Selenicë.

Shërbimi vendor i MZSH të bashkisë Vlorë ka dërguar në vendngjarje 1 automjet me 10 forca zjarrfikëse, si dhe me 5 banorë të fshatit, të cilët me pompa shpine dhe me mjete rrethanore kanë arritur të shuajnë zjarrin.

Si pasojë e zjarrit u dogj rreth 3 ha sipërfaqe me shkurre të ndryshme.

Qarku Gjirokastër

Ka rënë zjarr në barishte dhe shkurre në vendin e quajtur “Lëmi i Jahos” në fshatin Riban, Njësia Administrative Dëshnicë, bashkia Këlcyrë.

Shërbimi vendor i MZSH të bashkisë Këlcyrë ka dërguar 1 automjet zjarrfikës me personelin shoqërues që kanë shuar zjarrin të ndihmuar nga 3 forca të pyjores, 2 punonjës të policisë së rendit dhe 3 banorë të fshatit.

Si pasojë e zjarrit u dogj rreth 1 ha me barishte dhe shkurre.

Policia pas një kontrolli të ushtruar në fshatin Nivicë të Tepelenës, ka evdintuar 1750 rrënjë kanabis.

Pas evidentimit të tyre, polica ka bërë të mundur të siguroj asgjësimin e lëndës narkotike në vend me anë të djegies.

Gjatë kontrollit janë arrestuar në flagrancë dhe dy shtetas, Demo Zana 22 vjeç dhe Agim Zana 42 vjeç.

Pas informacioneve të marra në rrugë operative policia ka zbuluar zona të kultivuara me bimë narkotike dhe në vendin e quajtur “Gropa e Batës”, dhe “Kurtes” në fshatin Nivicë,

Operacioni policor i kryer nga shërbimet e Komisariatit të Policisë Tepelenë, për asgjësimin e bimëve narkotike u finalizua me titullin “Kurtes”.

Policia  e Krujës ka vënë në pranga sot Genc Koçin 35 vjeç, banues në fshatin Zezë, Krujë.

35 vjeçari nga Kruja ishte i dënuar në mungesë me 6.8 vite burg për veprën penale të “vrasjes në rrethana të cilësuara kundër dy ose më shumë personave”, mbetur në tentativë si dhe “Mbajtje pa leje e armëve luftarake”.

Gjykata e Rrethit Gjyqësor Krujë 9 vite më parë, kishte dënuar Koçin me 6.8 vite burg.

Koçi, më 1 nëntor 2008, në Krujë, në bashkëpunim me shtetasin H.C. (I arrestuar ditën që ka ndodhur ngjarja) ka qëlluar me armë zjarri në drejtim të tre shtetasve, A.B. , F.K. dhe L.K. të cilët janë plagosur rëndë.

Materialet i kaluan Prokurorisë së Rrethit Gjyqësor Krujë për hetime të mëtejshme.

Ish-ministri i Drejtësisë Ylli Manjani, në një status ka reaguar lidhur me ndjekjen penale të protestuesve në protestën para bashkisë.

Manjani shkruan se populli gjoja ishte në qeveri, dhe shton se faji gjithmonë është tek të tjerët, vetëm tek Rama jo.

Kryeministri nuk ka asnjë faj, por fajin e kanë aletët që janë “tepsia”, “kazani”, “legeni”,”qypi”.., shkruan Manjani

Nga kontrollet e ushtruara gjatë natës, kanë zbuluar 3 abonentë, të cilët furnizoheshin me energji përmes rilidhjes se paligjshme.

OSHEE ka vazhduar procedurën ligjore për shtetasin Mark D. nga Mirdita, për lidhje te paligjshme të energjisë.

Ndërsa në Shkodër nga kontrollet e Task Forcës, u zbuluan abonentët Ermir R. dhe Luigj Q., për rilidhje të energjisë.