Blloqet e lira të naftës në detin shqiptar, mësohet se Ministria e Energjisë dhe Industrisë do ti japë me koncension.

Tv Klan mëson se në thirrjen që do të nxjerrë Ministria e Energjitikës dhe Industrisë janë 3 blloqet në detin Adriatik dhe dy të tjera në rajonin e Vlorës.

Në bazë të modelit të ri të miratuar nga Kuvendi, taksat mbi fitimin do të merren që nga fuçia e parë e naftës që  do të shitet.

Kjo nuk është hera e parë që Shqipëria ka tentuar të japë me koncesion blloqet e lira të naftës, por çmimi i ulët në tregjet ndërkomëtare ka sjellë që kompanitë e të mos kenë interes në këtë fushë.

Zyrtarë të ministrisë së Energjisë kanë 1 vit e gjysmë që po negociojnë për t’i dhënë Shell dhe Delek Group bllokun 4 në Gjirokastër dhe atë të Dumresë, por ende pa finalizuar asnjë marrëveshje, edhe pse afati është tejkaluar disa herë.

Ditën e sotme kryetari LSI-së, Ilir Meta ka zhvilluar një takim me vajza dhe gra të njësisë nr 2 në Tiranë.

Në fjalën e tij, Meta u shpreh se forca politike që drejton kujdeset për vendin dhe do në të ardhmen do të përfaqësohet nga sa më shumë gra e vajza

LSI kujdeset për vendin. LSI kujdeset për njerëzit. LSI mban fjalën. LSI është një shans për të gjithë. Ne do të bëjmë maksimumin në të ardhmen për t’u përfaqësuar me sa më shumë gra dhe vajza”, u shpreh Meta.

Ndër të tjera kreu i LSI deklaroi se fuqizimi politik i gruas duhet të sjellë një fuqizim ekonomik dhe social.

Është shumë e rëndësishme që fuqizimi politik i gruas të sjellë një fuqizim ekonomik dhe social që është edhe themeli dhe i një dinjiteti njerëzor të sigurt të çdo gruaje dhe të çdo nëne”, shtoi kreu i LSI-së Ilir Meta.

Një ngjarje e rëndë ka ndodhur ditën e sotme së spitalin e Gjirokastrës, ku një 63-vjeçar i dha fund jetës duke u hedhur nga ballkoni i spitalit rajonal “Omer Nishani”.

Direkt pas ngjarjes, familjarët e të ndjerit, Gëzim Malkaj, kanë tërhequr dosjen mjekësore me pretendimin se do ta bënin problem shkakun që solli marrjen e vendimit për ti dhënë fund jetës nga 63-vjeçari.

Sipas dëshmitarëve, Gëzimi ka ngritur zërin disa herë ku ankohej për dhimbje dhe kundër infermieres e cila nuk po i përgjigjej apelit të tij. Pas një situate shumë të rënduar dhe depresioni të madh mendor, Gëzimi, është shprehur “Unë po shkoj se vetëm kështu do më pushojnë dhimbjet”.

Sipas grupit hetimor, vdekja ka ardhur si pasojë e hedhjes nga ballkoni me lartësi 13 metra në kushtet e depresionit mendor.

Magazina në Skrapar ku sipas prokurorisë së Krimeve të Rënda u zbuluan, 2 mijë rrënjë kanabis dhe një laborator droge, administrohej nga ish-kryebashkiaku i Çorovodës Lefter Lame, i cili ka ndëruar jetë në vitin 2010. Edlira Lame, e arrestuar tre ditë më parë dhe e lënë tashmë në burg nga Gjykata e Krimeve të Rënda, është bashkëshortja e ish-kryebashkiakut të Çorovodës.

Pas vdekjes së burrit, magazina ku përpunoheshin bimë medicinale është marrë në administrim nga Edlira Lame, e cila kishte futur në magazinë prodhimin e rakisë së Skraparit dhe paketimin e çantave të letrës. Gjatë operacionit policor fakti se magazina ka qënë dikur në administrim të ish-kryebashkiakut të LSI në Çorovodë dhe të një shtetasi italian, është fshehur nga organet hetimore.

Pavarësisht kësaj prokuroria thotë se ka sekuestruar dhe një sasi të konsiderueshme droge në ambjentet e kësaj magazine, por pa përcaktuar sasinë ekzakte të mallit të sekuestruar. Nga ana tjetër avokatët mbrojtës të Edlira Lames thanë se në ambjentet që administrohen nga Lame, nuk është gjetur asnjë sasi droge, por vetëm Raki, Verë dhe çanta kartoni. Para gjykatës, avokatët thanë se nuk janë sekuestruar 2 mijë rënjë kanabis në magazinë.
ekstrati gjendjes civile

“Ambientin e kishim braktisur”
Edlira Lame mohoi në Gjykatën e Krimeve të Rënda të kishte dijeni për sasinë e madhe të drogës së zbuluar. Gruaja e cila akuzohet për trafik droge të mbetur në tentativë, përmes avokatit të saj, i tha Gjykatës se ajo nuk kishte në administrim magazinën ku u gjet droga, por një tjetër ambient pranë saj, ku prodhoheshin verë, raki, si dhe çanta kartoni ambalazhi.

Për të provuar alibinë, ajo paraqiti në Gjykatë një mandat pagese me vlerë 20 mijë dollarë nga një kompani amerikane, të cilën e kishte furnizuar me raki. Duke iu referuar magazinës ku u zbulua droga, Edlira Lame tha se atë e ka pasur në administrim një shtetas i huaj dhe bashkëshorti i saj, i cili ka ndërruar jetë pesë vite më parë. Gruaja ka shpjeguar se asokohe në magazinë kishin ngritur një biznes bimësh medicinale, por pas vdekjes së bashkëshortit, ishin tërhequr dhe ambienti ishte i braktisur.

Biznesmenia e falimentuar
Edlira Lame, tregtarja 42-vjeçare e arrestuar në këtë operacion dyshohet nga prokuroria se ka vënë në shërbim të trafikantëve, ambjentet e magazinave të saj, për të kryer kultivimin e drogës dhe më pas tharjen e saj. Lame rezulton se ka hapur kompaninë “2 E Çorovoda” dhe një dyqan në Fier, për tregtimin me pakicë të konfeksioneve. Kompania “2 E Corovoda” kishte në objekt të sajin përgatitja e çantave të kartonit dhe ambalazheve të ndryshme, prodhim, ambalazhim të ujit të pijshëm.

Të dyja këto biznese kanë qënë të pezulluara dhe se nuk kryenin asnjë aktivitet tregtar. Ndërkohë sipas prokurorisë kohët e fundit në këto magazina ku ushtronte aktivitet tregtarja Edlira Lame, kryhej dhe përpunimi i rakisë. Gjatë marjes në pyetje Lame mësohet të ketë pohuar se nuk kishte dijeni për kultivimin e drogës, pasi nuk frekuentonte ambjentet ku është gjetur droga. Mirëpo pavarësisht kësaj, prokuroria pretendon se Lame ka pasur dijeni për drogën dhe laboratorin dhe nisur nga kjo situatë ka urdhëruar arrestimin e saj, së bashku me disa persona të tjerë. Ndërkohë që tre shtetas janë ndjekur në gjëndje të lirë.

Operacioni në vijim të kapjes 1.2 tonëve
Prej 24 orësh policia ka bllokuar magaziën duke mos lejuar asnjë person të hyjë në të. Ndërkohë në terren po kryhen hetime mes oficerëve të krimeve të rënda dhe Policisë së Shtetit. Burimet thanë se ky operacion është në vijimësi të zbulimit të një magazine, me plot 1.2 ton canabis sativa të paketuar në thasë e gatshme për tregtim. Kjo sasi droge dyshohet se i përket këtij grupi kriminal, ndërkohë policia dhe prokuroria ende nuk japin të dhëna se kush nga personat është drejtuesi i këtij grupi kriminal citon shqiptarja.

Në Minierën e Kromit në Bulqizë në orët e vona të natës ka shpërthyer lëndë eksplozive.
Policia ka vajtur menjëherë në vendin e ngjarjes, ku ka konstatuar se në Minierën e Kromit Bulqizë, në Galerinë nr 29/50, në thellësinë e saj në ‘zonën D’, është vendosur lëndë eksplozive.
Burime nga policia e Dibrës bëjnë me dije se si pasojë e shpërthimit është dëmtuar armatura prej druri. Në vendin e ngjarjes, sipas policisë, janë gjetur dhe sekuestruar dy copa fitil zjarrpërcjellës me ngjyrë të verdhë të djegur.
Në lidhje me këtë ngjarjes, nga ana e bluve të Dibrës është bërë e mundur identifikimi i autorit të dyshuar F.B. Policia thotë se për shkak të hetimit, nuk mund të jepen të dhëna të tjera, ndërsa ka nisur punën për zbardhjen e plotë të ngjarjes.
Po ashtu, materialet e deritanishme hetimore ia ka kaluar Prokurorisë Rrethit Gjyqësor Dibër për veprën penale “Shkatërrimit të Pronës me eksploziv”