Nje sasi droge prej mbi 2 ton kanabis u sekuestruan ditën e dielë nga Policia e Shtetit në Dibër, gjatë kontrolleve që po vijojnë në mbarë vendin prej më shumë se një muaji.

Droga u gjet në një tunel në njësinë Administrative Baz, në afërsi të lagjes Daci.

Kanabisi ishte fshehur rreth 25 metra në brendësi të tunelit dhe ishte ndarë në disa thasë.

Dyshohet se lënda narkotike ishte bërë gati për trafikim. Policia ka arrestuar një person dhe ka shpallur në kërkim një tjetër.

Një aksident i rëndë është raportuar mëngjesin e sotëm në aksin Levan – Tepelenë, ndërsa paraprakisht raportohet për 4 të plagosur. Mësohet se aksidenti ka ndodhur në vendin e quajtur Varibop. Sipas disa raportimeve paraprake në këtë aksident mbetën të plagosur Mariglen Mahmutaj 31-vjeç i cili drejtonte dhe makinën, Ismet Mahmutaj 80 vjeç, Diana Ferra 45-vjeçe dhe Kate Mahmutaj.
Të plagosurit janë dërguar në spitalin rajonal të Fierit, ndërsa dy janë më rëndë.

Policia e Shtetit njoftoi te delen se ka përjashtuar nga radhët e saj disa punonjës të policisë, pasi akuzohen për shkelje të detyrës, ndërsa dyshohet se janë përfshirë në rastet e favorizimit të lëndëve narkotike në Kurbin.

Kreu i Policisë së Shtetit, Haki Çako ai që bëri të ditur lajmin, ndërsa theksoi se këto lëvizje kanë prekur Komisariatin e Lezhës dhe Kurbinit.

Deklarata e policise:
Drejtori i Policisë së Shtetit Drejtues Madhor Haki Çako gjatë konferencës për shtyp në lidhje me masat e marra nga Policia e Shtetit për parandalimin dhe goditjen e Kultivimit të kanabisit, si dhe për parandalimin dhe goditjen e trafikimit të lëndëve narkotike .

Në kuadër të masave për zbatimin e detyrimeve që lindin nga “Plani i veprimit kundër Kultivimit të Kanabisit 2017-2020” miratuar nga Qeveria Shqiptare, si dhe në zbatim të detyrave të përcaktuara në Planin e Veprimet të Ministrisë Punëve të Brendshme dhe Drejtorisë së Policisë së Shtetit, “Për parandalimin dhe goditjen e veprimtarisë kriminale të kultivimit të bimëve narkotike për vitin 2017”, nga Strukturat e Policisë së Shtetit në të gjitha D.V.P ka filluar zbatimi i masave konkrete.

Strukturat e Policisë së Shtetit prej fillimit të vitit 2017, po vijojnë në mënyrë intensive dhe të pandërprë në bashkëpunim me pushtetin vendor dhe intitucionet e tjera kontrollin e territorit, të ish magazinave shtetërore, ish depove dhe tuneleve të ushtrisë, banesat e braktisura, serat dhe çdo ambjent dhe sipërfaqe toke e konsideruar me rrisk që mund të kultivohet bimë narkotike nisur edhe nga të dhënat e grumbullara nga ana e Policisë së Shtetit në vitet e kaluara.

Paralelisht me kontrollin e territorit nga toka edhe nga ajëri, Policia e Shtetit, ka marrë një sërë masash të tjera dhe konkretisht:

Në të gjitha qarqet u zhvilluan konferencat rajonale duke bërë pjesë të gjithë faktorët dhe aktorët që kanë përgjegjësi për marrjen e masave për parandalimin e kultivimit të bimëve narkotike.

Të gjithë punonjësit e Policisë së Shtetit dhe punonjësit e Policive private kanë marrë porosi dhe kanë filluar të vetdeklarojnë se ata dhe familjarët e tyre nuk do të përfshihen në kultivimin e bimëve narkotike.

Me qëllim kontrollin dhe monitorimin e plotë të territorit dhe veçanërisht zonave të konsideruara me rrisk, janë përcakuar punonjësit e Policisë përgjegjës për kontrollin e territorit të cilët do të mbajnë përgjegjësi ligjore për territorin që mbulojnë në rast se evidentohet dhe konstatohet kultivim i bimëve narkotike.

Në vijim të kontrollit të territorit, më datë 01.04.2017, në vendin e quajtur Godull, në një zonë të pyllëzuar, në rrethin Kurbin, nga shërbimet e Stacionit të Policisë Kufitare Shëngjin Lezhë, është konstatuar një parcelë e porsa mbjellë me fidanë të dyshuar Cannabis Sativa.

Në parcelë janë evidentuar 513 fidanë Cannabis Sativa, në lidhje me këtë fakt janë kryer të gjitha veprimet hetimore dhe proceduriale, në kontakt me Prokurorinë e Rrethit Gjyqësor Kurbin.

Njëkohësisht me veprimet proceduriale në lidhje me rastin e konstatuar të kultivimit të bimëve narkotike, me urdhër të Drejtorit të Policisë së Shtetit Drejtoria e Standarteve Profesionale ka filluar procedimin disiplinor për punonjësit e policisë në strukturat vendore të Drejtorisë Policisë Lezhë si dhe Komisariatit të Policisë Kurbin.

Nga analiza e bërë në Drejtorinë e Policisë Shtetit mbi këtë çështje, u konstatuan një sërë shkeljesh të karakterit administrativ dhe disiplinor nga punonjës të strukturave të policisë në Komisariatin e Policisë Kurbin dhe Drejtorinë e Policisë Vendore Lezhë, për të cilët në bazë e për zbatim të Ligjit për Policinë e Shtetit si dhe Rregulloren e Policisë, me Urdhër të Drejtorit të Policisë së Shtetit u morën masat si më poshtë :

1. Inspektor Gjon Deda, me detyrë Ndihmës specialist SPZ, në Njësinë Administrative Fushë Kuqe, Komisariati i Policisë Kurbin, për shkelje të rënda disiplinore, u përjashtua nga Policia e Shtetit.

2. Nënkomisar Edvin Toptani me detyrë, Specialist në Seksionin e Hetimit të Krimeve, Komisariati i Policisë Kurbin, për shkelje të rënda disiplinore, u përjashtua nga Policia e Shtetit.

3. Komisar Leonard Palushi, me detyrë Shefi Seksioni për Krimet, Komisariati i Policisë Kurbin, për shkelje të rënda disiplinore, u shkarkua nga detyra.

4. Komisar Xhafer Kalbaj, me detyrë Shef i Seksionit të Policimit në Komunitet, Komisariati i Policisë Kurbin, për shkelje të rënda disiplinore, u shkarkua nga detyra.

5. Kryekomisar Feliks Hysa, me detyrë Shef i Komisariatit të Policisë Kurbin, për shkelje të rënda disiplinore, u shkarkua nga detyra.

6. Kryekomisar Maksim Bejko, me detyrë Shefi i Sektorit të Krimeve në Drejtorinë e Policisë Vendore Lezhë, për shkelje disiplinore , u pezullua nga detyra, deri në përfundim të hetimit disiplinor.

Gjithashtu Drejtoria e Standarteve Profesionale ka filluar procedimin disiplinorë për Drejtorin dhe Zëvendësdrejtorin e Policisë Vendore Lezhë, me qëllim sqarimin e përgjegjësive drejtuese dhe organizative të strukturave në vartësi.

Për këtë ngjarje është bashkëpunuar me strukturat e SHÇBA-së, me qëllim referimin dhe hetimin procedurial penal të punonjësve të policisë me përgjegjësi ligjore në këtë çështje.

Në këtë kuadër ju bëjmë thirrje të gjithë punonjësve të administratës, pushtetit vendor dhe qytetarëve të bëhen pjesë e angazhimit të përbashkët në luftën kundër kultivimit dhe trafikimi të lëndëve narkotike, duke përcjellë informacion të menjëhershëm pranë strukturave të Policisë së Shtetit me qëllim parandalimin ,dokumentimin dhe vënien përpara përgjegjësisë ligjore të personave që përfshihen në këtë veprimtari të paligjshme.

Policia e Shtetit është e vendosur për të vijuar zbatimin e detyrimeve të përcaktuara në strategjinë kombëtare në luftë kundër kultivimit dhe trafikimit të lëndëve narkotike, duke intensifikuar masat për parandalimin, zbulimin dhe ndëshkimin e të gjithë atyre që tentojnë ose do të kryejnë këto aktivitete kriminale.

Aksioni kombëtar kundër trafikut të drogës dhe kultivimit të kanabisit, pret kokat e para në policinë e shtetit.

Shefi i komisariatit të Laçit, Feliks Hysa është përjashtuar nga radhët e policisë.

Burimet zyrtare kanë thënë se Hysa akuzohet se ka shpërdoruar deyrën gjatë një operacioni antikanabis.

Në lidhje me këtë pas pak drejtori i policisë së shtetit Haki Çako do dalë në konferencë për shtyp.

Përvec përjashtimit, ndaj zyrtarit të policisë Feliks Hysa, është bërë kallëzim penal në polici.

Në hetim janë edhe katër efektiva të policisë në varësi të Feliks Hysës.

Një sasi prej 139 thasë me kanabis janë gjetur të fsheshur ditën e sotme në një tunel në Mat. Burime nga policia bënë me dije se droga u gjet në fshatin Rreth-Bazë.

Të njëjtat burime pohojnë se ka dyshime që në këtë tunel të ketë ende lëndë narkotike. Burime nga Prokuroria thonë se lënda narkotike e seksuestruar arrin peshën deri në 600-700 kg, ndonëse ende nuk ka përfunduar peshimi.

Sekuestrohen nga Policia rreth 200 kg lëndë narkotike Cannabis Sativa në Mat.

Burimet zyrtare njoftuan se strukturat e Komisariatit të Policisë Mat, bazuar në Planin e Veprimit të Drejtorisë Vendore të Policisë Dibër, “Mbi masat që duhen marrë për evidentimin dhe goditjen e fenomenit të sigurimit të farave për kultivimin e bimëve narkotike, në sera , tunele, dhe ambjente të tjera” kanë organizuar grupe kontrolli për këtë qëllim.

Në kuadër të këtyre kontrolleve gjatë ditës së sotme, në njësinë Administrative Baz, në afërsi të lagjes Daci, nga policia gjatë kontrollit në një tunel, janë gjetur dhe sekuestruar në cilësinë e provës materiale:
Rreth 200 kg lëndë narkotike, e futur nëpër thasë, lënda narkotike është gjetur rreth 25 metra në brendësi të tunelit.

Burime zyrtare kanë thënë se shefi i policisë së zonës dhe katër efektiva janë në hetim në lidhje me mosraportimin e situatës me drogën që është sekuestruar.

Ndërsa Edi Rama pret nga ai një përgjigje për të ardhmen e koalicionit, kryetari i Lëvizjes Socialiste për Integrim, Ilir Meta pohoi se forca politike që përfaqëson nuk i ka shërbyer nxitjes së konfliktit.

Në një takim me të rinjtë e LRI në Kuçovë, Meta pohoi se LSI i ka shërbyer vetëm nxitjes së dialogut.

“Të rinjtë e të rejat e LRI janë shembulli dhe modeli i një lidershipi të ri në Shqipëri. LRI një politike të re, vizionare, solidare, që kujdeset për njerëzit dhe në radhë të parë për të rinjtë e të rejat. Suksesi i zgjedhjeve të ardhshme nuk është as rezultati i LSI dhe as rezultati i askujt tjetër.
Suksesi i zgjedhjeve, standardi i besueshmërisë që ato do të realizojnë për qytetarët tanë. Nga zgjedhjet varet shumë fati i të rinjve e të rejave të Shqipërisë dhe i të ardhmes evropiane të vendit tonë. LSI-ja asnjëherë nuk i ka shërbyer nxitjes së konfliktit, por i ka shërbyer vetëm nxitjes së dialogut. Vetëm përmes dialogut politik mund të forcohen institucionet në vend”, tha Meta.