I ofron ryshfet punonjësit të policisë rrugore për të shmangur testin e alkoolit, arrestohet në flagrancë drejtuesi i mjetit

Më datë 22.01.2017, në rrugën “Dervish Hima” shërbimet e Komisariatit Rajonal të Policisë Rrugore, bënë të mundur arrestimin në flagrancë të shtetasit:

– O. V., 27 vjeç, banues Durrës.

Ky shtetas është ndaluar nga shërbimet e Policisë Rrugore për të kryer një test alkooli

O. V., ka tentuar ti japë 2000 të reja punonjësit të Policisë, për ti’u shmangur testit të alkoolit.

Pas kontrollit të ushtruar me aparat drager, ka rezultuar nën ndikimin e alkoolit, në masën 0.95 mg/l.

Materialet i’u kaluan Prokurorisë pranë Gjykatës së Shkallës së Parë Tiranë për veprat penale “Korrupsion aktiv ndaj personave që ushtrojnë funksione publike” dhe “Drejtim i mjetit në mënyrë të parregullt”, parashikuar nga Nenet 244 dhe 291 të Kodit Penal.

Nga Specialistët e Policisë Rrugore në  Komisariatin e Policisë Mat u bë arrestimi në flagrancë i shtetasit :
Ardit Xhakrosa, 20 vjeç,  banues në njësinë Administrative Rukaj-Mat
Arrestimi i tij  u bë pasi ky shtetas në aksin rrugor ‘Kryqëzimi i spitalit’  të qytetit të Burrelit, duke drejtuar automjetin tip “Mercedez Benz”,  ka humbur kontrollin mbi automjet  duke aksidentuar shtetasen A.K, 17 vjeçe, e cila në momentin që është përplasur nga automjeti ka qenë duke kaluar në anën tjetër të rrugës.
17 vjeçarja është transportuar  për ndihmë më të specializuar në spitalin e Traumës Tiranë, dhe ndodhet  jashtë rrezikut për jetën.Materialet proceduriale i kaluan Prokurorisë Rrethit Gjyqësor Mat,  për veprën penale “Shkelje e rregullave të qarkullimit rrugor” , parashikuar nga neni 290/2 i Kodit Penal.///

Policia Kufitare e Korçës dhe SHÇBA arrestuan diten e sotme 3 persona, njëri prej të cilëve punonjës i policisë, në kuadër të operacionit të koduar “Falsifikuesit”.

Sipas burimeve zyrtare, ata akuzohen për “Dhënie ndihme për kalim të paligjshëm të kufijve”, “Falsifikim të dokumentave” dhe “Shpërdorim të detyrës”.

Arrestimi i tyre u krye në Pikën e Kalimit Kufitar të Kapshticës, në bazë të urdhrit të Prokurorisë dhe vendimit të Gjykatës, bazuar në një punë hetimore në bashkëpunim mes organeve ligjzbatuese.

Shtetasit e arrestuar në flagrancë janë:

– Marsel Miço, 38 vjeç, banues në Korçë
– Ilia Çipi, 46 vjeç, banues në Korçë, mbi dyshimet për kryerjen e veprave penale të “Falsifikimit të vulave, stampave ose formularëve” dhe të “Ndihmës për kalim të paligjshëm të kufijve”.

SHÇBA e Korçës ka vënë në pranga punonjësin e Policisë:

– Lefter Bardho, 47 vjeç, banues në Pogradec, me detyrë kontrollor në PKK Kapshticë, për akuzën e “Shpërdorimit të detyrës”.

Shtetasit e arrestuar, në bashkëpunim me njëri-tjetrin kanë ndihmuar disa persona për të kaluar në mënyrë të paligjshme kufirin, duke përdorur pasaporta shqiptare dhe serbe si dhe në bazë të ngjashmërisë fizike, në Pikën e Kalimit Kufitar të Kapshticës.

Gjatë këtij operacioni janë sekuestruar në cilësinë e provës materiale:
– 9 pasaporta biometrike shqiptare.
– 1 pasaportë biometrike serbe.
– 4 aparate telefoni celular.
– 2 automjete “Mercedes benz” me targa AA748OG dhe AA361NY.

Materialet procedurale i janë përcjellë Prokurorisë për ndjekje të mëtejshme dhe për zbulimin e lidhjeve të mundshme këtij grupi kriminal.

Policia e Lushnjës ka sekuestruar 43 kg lëndë narkotike të llojit “Cannabis Sattiva” dhe vuri në pranga lidhur me të shtetasin Arben Bega, banues në Vlorë.

Arrestimi u bë në sajë të operacionit të koduar “Savra”, teksa gjatë një kontrolli në vendin e njohur si rrethrrotullimi i Savrës në Lushnjë, në automjetin tip “Volkswagen” me targa AA 488 HL, që drejtohej nga 32-vjeçari Begaj, u gjet lënda narkotike që kishte për destinacion trafikimin jashtë vendit.

Menjëherë u bë arrestimi i personit dhe sekuestrimi i lëndës narkotike, që i kaluan Prokurorisë pranë Gjykatës së Shkallës së Parë Lushnje, për veprime të mëtejshme.

Ka qenë një ndër banorët më të kritikuar në “Big Brother Albania 8”, kjo për faktin se shumë persona e quanin homoseksual. Por, së fundmi një akuzë e rëndë është hedhur ndaj tij. Kreshnik Husaj i njohur ndryshe si Kika, është arrestuar me akuzën e shfrytëzimi të bashkëshortes së tij për prostitucion.

28-vjeçari nga Peja thuhet se është arrestuar më 13 dhjetor të vitit të shkuar, ndërsa që prej atëherë ndodhet në qeli, në burgun e Pejës. Një nga miqtë e Kikës, ka preferuar të tregojë  arrestimin dhe akuzat kundër tij.

“E ka denoncuar ish-gruaja e tij për keqtrajtim dhe përdorjen e saj me qëllime përfitimi”, tregon ai duke vazhduar se Vlora Tahiri dërgohej në Prishtinë nga bashkëshorti, ku e detyronte të kryente marrëdhënie me meshkuj të tjerë.

 “Në familje ajo nuk mund të shkojë më, i ka marrë edhe vajzën dhe nuk e lejon ta takojë. Vlora nuk mund t’i durojë më këto gjëra dhe ndaj vendosi që ta denoncojë, që të tregojë të vërtetën e saj. Nuk e ka bërë kurrë në praninë time. Megjithatë, një person nga Prishtina më kishte thënë që Kika ia kishte çuar bashkëshorten dhe i ka marrë 30 euro për një marrëdhënie. Nuk e besova. Jam takuar pas arrestimit të Kikës me ish-gruan e tij për kafe. Kam ruajtur raporte të mira me të dhe ajo më tregoi gjithçka, se si e ka keqtrajtuar Kika.

Ajo nuk kishte asgjë, familje jo, shtëpi jo, si të jetonte? Ky e detyronte të shkonte dhe nuk i jepte para. Si mund të jetonte? Ajo është e shkatërruar plotësisht, është për t’u dhimbsur se si e ka shfrytëzuar. Ka mashtruar shumë këngëtarë. U ka marrë para për xhirime televizive dhe nuk i ka nxjerrë askund. Artistët nuk kanë thënë gjë në polici, gjithsesi për gjykatën shfrytëzimi i ish-gruas është primare si çështje. Aktualisht Kika është në burgun e Pejës dhe pritet që gjatë ditëve që vijnë të dalë përpara gjykatës. Normalisht më pas do të vendoset dënimi kundër tij”, përfundon rrëfimin për Gazeta Shqiptare miku i ish-banorit.

Kreshnik Husaj dhe Vlora Tahiri janë prindër të Vesës, vajzës së tyre 1-vjeçare, e cila është në kujdestarinë e Kikës.