Ballina Blog Faqe 108

U propozua nga Lapaj për kryeministër i qeverisë teknike, reagon mjeku Tritan Kalo

0

Kryetari i Partisë “Shqipëria  Bëhet”, Adriatik Lapaj zbuloi dy ditë më parë 2 emra që sipas tij mund të udhëheqin një qeveri tranzitore për 12 muaj. Ai u shpreh se mjeku në pension, Tritan Kalo dhe profesori Përparim Kabo mund t’i japin Shqipërisë qeveri përtej palëve dhe zgjedhje të lira dhe demokratike, duke theksuar se më pas do të ketë efektin domino dhe do ketë garë në çdo nivel.

Mjeku Kalo reagoi me një postim  të gjatë, duke shpjeguar pse nuk i përgjigjet ftesës së Lapajt.

Reagimi i Tritan Kalos

U bënë 48 orë që komentues mëndjeçartur, në shumicën e tyre patronazhistë ose militantë të thekur, ndonjë anal-ist, plot parazitë kafenesh apo të porsazbritur në qytete apo në rrethinat e tij në tokat tona të xanuma prej tyre, nuk kanë lënë fëlliqsirë pa nxjerë nga goja e mëndja e tyre e shpërfytyruar moralisht, thjesht e vetëm sepse:
Protestuesi genetik Adriatk Lapaj më paska përmëndur mua dhe Prof. Përparim Kabon si kandidatë për Kryeministër të një Qeverie teknike tranzitore 12 mujore, për organizimin e zgjedhjeve të drejta e të ndershme në Shqipërinë e këndej Drinit.
Adriatiku ka shprehur një dëshirë të tijën pa u konsultuar së pari paraprakisht me mua, Prof. Kabo është në të drejtën e tij të shprehet, POR që unë e mirëkuptoj sepse ai ka dashur të hedhë dritë mbi faktin, se mjedisi ynë shoqëror ka ende plot bijë e bija të pa ndotur nga LLUMI KLEPTO-KORRUPTIV i këtyre 34 viteve DEMON-KRACI….
Aq larg shkojnë këto mëndje-errësuar sa më kanë bërë edhe vrasës (?!?!), e ndokush tjetër ka bërë thirrje edhe për të më varur në litar
Unë MANTELBARDHI Dr. Tritan Kalo e kam treguar me vepra dhe jo me lloqe kafenesh, se kam qënë në sheshe kurdoherë kur është cënuar Demokracija e pas Shpalljes së Pluralizmit politik më 15.12.1990…
U jam gjëndur kujtëdo që është lënduar në këto protesta, sepse MISIONARI mjek nuk bën dallime të përkatësive partiake, për të ndihmuar këdo që ka nevojë për asistencë mjeksore….
Ka ende gjallë ish funksionarë shteti ose funksionarë aktualë të tij, ish drejtues politikë të PS-së dhe jo vetëm të saj, të cilët mundet të pohojnë ato çka unë shkruaj më lart, përpos Azem Hajdarit të PD-së mqse ai është bërë me kohë për rrahmet…
Në 31.03.1991 kam udhëtuar direkt nga Parisi në Tiranë për të votuar ndryshimet demokratike në Mëmëdheun tim.
Në 28.06.2009 nuk kam nguruar të fluturoj nga Kanadaja për të hedhur votën në Shqipërinë e këndej Drinit sepse në Demokraci, vetëm vota e mëndjeve të lira mundet të sjellë ndryshime socio-politike.
Në 11.05.2025 po ashtu kam ardhur nga Victoria, BC, Canada, direkt në Tiranë për të dhënë kontributin tim sado modest në ndryshimet demokratike shqiptare.
DY HERË:
NË 1993 familjarisht jam rikthyer në Tiranë nga Parisi, edhe pse kisha një pozicion të përftuar me konkurs në Asistencën Publike, të cilin kurrë nuk ma ofruan në QSUT, dhe
Në 2009 jam rikthyer nga Kanadaja për të dhënë më të mirën time të mundshme për bashkëkombasit e mi, që i besuan mëndjes dhe dijenive të mia modestisht jo të pakta mjeksore.
KURDOHERË në ATË-DHE unë kurrë nuk jam sjedhur si KONFORMIST për të përftuar poste shtetërore apo akademike, përkundrazi duke qënë VETËVETJA më janë krijuar pengesa pas pengesash vetëm e vetëm që të mos marë atë çka unë kam merituar me Profesionalizmin, Punën e Përkushtimin tim ndaj kujtëdo, që më është adresuar për asistencë në ndihmë të problemeve të tija shëndetsore….
JAM SHUMË-SHUMË KRENAR për qindra jetë të shpëtuara, si dhe për mijra e mijra jetë të lehtësuara nga hallet e problematikat e tyre mjeksore…
Në 42 vite pune prej 2.07.1981 kur ngjita për herë të parë shkallët e Spitalit Nr. 4 Infektiv si Mjek stazhier, dhe deri më 18.07.2023 ditën e daljes sime në pension jam përpjekur për çdo dekikë të jetës sime, për ta ruajtur nga çdo ndotje morale e financjare MANTELBARDHËSINË time….
“DASHAMIRËSIA mdiokratokratike” e drejtuesve në Shërbim, në Fakultet dhe në Universitet nuk më rimundësoj DIJEDHËNIEN në auditoret e Fakultetit të Mjeksisë pas kthimit nga Kanadaja, deri në daljen time në pension dhe rikthimin në Kanada…
Pavarësisht kësaj çka përmënda më lart, unë kurdoherë DIJET e mija teorike si dhe NJOHURITË e mëdha praktike, i kam vënë në dispozicion të studentëve, të mjekëve stazhierë apo të kolegëve jo vetëm të Shërbimit të Sëmundjeve Infektive në Qendrën Spitalore Universitare “Nënë Tereza” në Tiranë…
Për dijeninë e kujtëdo që ende bart dritë në sytë dhe në mëndjen e tij, unë isha i vetmi mjek në atë Shërbim me “Medalje të Artë”, me Diploma universitare franceze në lëmitë e Sëmundjeve Infektive e Tropikale, si dhe të Reanimacionit Mjeksor, krahas Diplomës shqiptare të Specializimit në Sëmundjet Infektive dhe Epidemiologji, që e nisa dhe e mbarova karierën time mjeksore thjesht si MJEK, pa asnjë “ofiq” si akademik edhe funksional shtetëror, thjesht e vetëm sepse KURRË nuk ju bëra urë askujt përveç Profesionalizmit tim si dhe Betimit të Hipokratit, duke qënë kurdoherë VETËVETJA……
KENI PLOT DJEM E VAJZA të mirëshkolluar, të mirëedukuar, të plotëmoralshëm dhe aspak të tunduar nga klepto-korrupsioni i qeverisjes 34 vjeçare DEMON-KRATIKE, si brënda edhe jashtë Shqipërisë së këndej Drinit të cilët me dijesinë dhe vullnetin e tyre, mundet mjaft mirë të përballojnë sfidat e zhvillimeve socio-ekonomiko-politike të vendit….
Realizimi sa më shpejt të jetë emundëshme e:
1- Zëvëndësimit të Partitokracisë/Kryetarokracisë me rrëshqitje drejt Autokracisë në zbatim të Marveshjes PD – PS të 21.04.2008, me MERITOKRACINË dhe DEMOKRACINË e brëndëshme në këto dy forcat politike, si dhe
2- MUNDËSIMI i vjeljes së kontributeve të individëve dhe Lëvizjeve të Reja politike, duke e ndryshuar thelbësisht Sistemin Zgjedhor të përfaqsimit të vullnetit të DEMOSIT/POPULLIT në Parlamentin e sotëm të shndruar ndërkohë në një “PARLA-PA-MENT”,
Këto veprime me shumë siguri përmes ndryshimeve të ardhura prej tyre, ato do të mundet të vendosin një Sistem Shoqëror mëse Demokratik në Shqipërinë e këndej Drinit…
MORALISHT jam në krah të cilido që kërkon DEMOKRATIZIMIN, MBROTHËZIMIN dhe FAKTORIZIMIN jo vetëm të Shqipërisë së këndej Drinit….
Vetë për arësye si subjektive po ashtu edhe objektive tashmë që kam dalë në pension më 18.07.2023, as kam shprehur dhe as NUKU KAM ambicien më të vogël për ndonjë post, qoftë ai edhe honorifik ekzekutiv apo legjislativ në Shqipëri…
FLINI të qetë ju mëndjeçarturit militantë dhe patronazhistë të majtë apo të djathtë qofshi…
Për ata/ato që janë merakçinj se këtu mundet “të të kapin për zhelesh” në qoftë se ngre tenda apo demostron në trotuare, hapsira publike apo edhe përpara Ministrive a Kryeministrisë, po ju risjedh për ilustrim disa foto nga lëvizjet e fundit greviste disajavore të punonjësve të Administratës publike dhe të Agjensive qeveritare në Victoria, BC, Canada…
SHQIPËRIA dhe SHQIPTARIZMA mbi të gjitha!
Together forever and ever

Zjarr Tv Adsxxxxxxxxxxxxxxxx

Përmbytja e rrugëve në Durrës/ Mbi dërrasë sërfi e lopatë në duar, qytetari gjen mënyrën për të lëvizur

0

Moti i keq në vend ka shkaktuar përmbytje të mëdha në shumicën e qyteteve dhe fshatrave. Kjo pamje na vjen nga qyteti bregdetar i Durrësit. Përmbytjet në këtë qytet kanë bërë që qytetarët të tregohen krijues me mënyrat për të lëvizur në rrugët e pakalueshme nga uji.

Qytetari në foto ka përdorur një dërrasë sërfi dhe një lopatë për të lundruar. Ndërkohë që e gjithë zona përreth tij gjenden makinat e zhytura në ujë.

Zjarr Tv Adsxxxxxxxxxxxxxxxx

Reshjet e dendura të shiut bllokojnë autostradën Tiranë-Durrës, Policia e Shtetit: Ja akset ku devijohet lëvizja

0

Policia e Shtetit ka bërë apel për kujdes në rrugë pas përmbytjes në autostradën Tiranë-Durrës. Pranë hyrjes së qytetit bregdetar, ka prezencë të lartë të ujit në të dyja anët e lëvizjes çka e bën të pamundur qarkullimin normal të makinave.

Për këtë arsye për të shmangur trafikun dhe aksidentet, Policia Rrugore njofton se do të ketë një devijim të lëvizjes.

•Automjetet që vijnë nga jugu në drejtim të Tiranës, të qarkullojnë nga Rruga e Plepave për në Ndroq dhe nga rruga Rrogozhinë–Elbasan–Tiranë.

•Për në Durrës, kalimi do të bëhet nga rruga e universitetit, në drejtim të Spitallës dhe në rrugën Tiranë–Elbasan–Rrogozhinë.

“Policia apelon për drejtuesit e mjeteve që të shmangin lëvizjet e panevojshme, të tregojnë kujdes maksimal gjatë lëvizjes, të ndjekin udhëzimet e punonjësve të Policisë dhe të zbatojnë sinjalistikën rrugore. Shërbimet e Policisë Rrugore dhe Patrullat e Përgjithshme po marrin masa për lehtësimin e qarkullimit të mjeteve dhe për të ndihmuar drejtuesit e mjeteve”, njoftoi policia.

Prej mëngjesit të sotëm Shqipëria është përfshirë nga një mot i keq me reshje të shumta shiu çka ka krijuar probleme të shumta sidomos në Durrës dhe Lezhë.

Zjarr Tv Adsxxxxxxxxxxxxxxxx

Moti i keq në vend, Berisha publikon pamjet nga përmbytjet: Durrësi i Betonit, Gjushit dhe Ramaduros

0

Kryetari i Partisë Demokratike, Sali Berisha, ka publikuar mëngjesin e sotëm pamje nga përmbytjet në Durrës, si pasojë e reshjeve të dendura të shiut.

Duke iu referuar situatës, Berisha shkruan: “Durrësi i Betonit apo Gjushit dhe Ramaduros!”, duke e cilësuar gjendjen si pasojë të drejtpërdrejtë të betonizimit pa kriter dhe keqmenaxhimit të qytetit.

Sipas Berishës, përmbytjet janë rezultat i politikave të dështuara urbanistike dhe mungesës së investimeve në infrastrukturë dhe sistemin e kanalizimeve, përgjegjësi që i atribuohen qeverisë dhe pushtetit lokal. Pamjet dëshmojnë edhe një herë se çdo episod reshjesh e kthen Durrësin në emergjencë, ndërsa qytetarët përballen me pasoja të përsëritura nga neglizhenca institucionale.

Zjarr Tv Adsxxxxxxxxxxxxxxxx

Lea Ypi kryeministre e qeverisë teknike në Shqipëri?! Ja çfarë thotë shkrimtarja për këto zëra

0

Ende pa i shkuar afër gjendjes për të rrëzuar pushtetin aktual, së fundmi kudo ka qarkulluar emri i shkrimtares Lea Ypi si kryeministrja e qeverisë teknike në Shqipëri.

Në një intervistë për Euronews Albania, Lea Ypi sqaron fillimisht se nuk ka pasur ndonjëherë festë zyrtare ndërsa shton se këto janë theshetheme janë kthyer si një “big brother” i politikës.

Shkrimtarja nënvizon se një propozim i tillë nuk mund të vijë përpara një akademiku që kurrë nuk ka qenë i përfshirë në sferën politike vendase, e aq më tepër të jetë i gatshëm t’i parashtrojë popullit një program qeverisës.

“Për mua këto janë si big briother i politikës. Si mund ti vijë një gjë zyrtare një akademiku që nuk është marrë kurrë me politikë në Shqipëri, nuk ka bërë asnjë ditë politikë, nuk është angazhuar me asnjë parti politike.

Për mua është pjesë e diskutimit të big broither-it të politikës. Është ë rëndësishme që njeriu të shmangë diskutimet në këtë nivel individual, sepse demokracisë shqiptare nuk i ndihmon duke përmendur vazhdimisht emra.

Të vijë një fluks nga diaspora është interesante por duhet të jetë politikë e një partie, pjesë e një vizioni për Shqipërinë në të ardhmen që i duhet paraqitur qytetarëve shqiptarë me një program. Jetojmë në demokraci jo në monarki absolute, shpresoj që jetojmë.

Ftoj analistët, gazetarët, politikanët mos të mendojnë për politikën me këto lloj përkufizimesh, sepse e dëmton shumë demokracinë shqiptare”, u shpreh akademikja Lea Ypi.

Këto hamendësime janë komentuar dhe nga lideri i opozitës, Sali Berisha, i cili u shpreh se Lea Ypi është një shkrimtare e njohur, por që nuk kishte dijeni të mëtejshme së për çfarë bëhej fjalë.

Ideja e të pasurit një qeveri teknike është lobuar fuqishëm nga partitë opozitare që pas zgjedhjeve të 11 majit. Të shumta janë protestat e zhvilluara përballë kryeministrisë apo dhe në parlament, por ajo çka ka rënë në sy ka qenë pjesëmarrja e ulët e qytetarëve në tubime.

Zjarr Tv Adsxxxxxxxxxxxxxxxx

SPAK kërkon arrestimin e Ballukut, PD: Të mblidhet nesër Këshilli i Imunitetit

0

Anëtarët demokratë të Këshillit të Imuniteteve dhe Mandateve kërkojnë sërish nesër mbledhjen e këtij Këshilli që t’i hapet rrugë arrestimit të zv.kryeministres dhe ministres së Infrastrukturës dhe Energjisë, Belinda Balluku. 

PD e ka cilësuar antiligjore shtyrjen pa afat të mbledhjes, duke aluduar se po i jepet kohë të prishë provat dhe të intimidojë dëshmitarët.

Një shqetësim të tillë e ka shprehur edhe vetë SPAK në mbledhjen e 19 dhjetorit.

Zjarr Tv Adsxxxxxxxxxxxxxxxx

Lapaj nga spitali: Hajdutët nuk më trembin dot…

0

Kreu i “Shqipëria Bëhet”, Adriatiak Lapaj ka reaguar pasi është kallëzuar penalisht nga Policia e Tiranës, lidhur me përplasjen me efektivët, gjatë protestës së zhvilluar para Kryeministrisë më 4 janar.

Përmes një postimi në rrjetet sociale, Lapaj, nga spitali, ku po merr trajtim mjekësor, e ka cilësuar kallëzimin si një medalje nga ajo që ai e quan regjimi i kryeministrit Edi Rama.

Lapaj është shprehur se ata që ai i cilëson si hajdutë, nuk do ta trembin dhe shtoi se pasi të dalë nga spitali, do të jetë sërish në shesh.

“Medalja e tretë në 1 muaj nga regjimi Edi Ramës! Më kanë kallëzuar penalisht sërish. Edhe unë do i kallëzoj kësaj here. Hajdutët nuk më trembin dot. Te sheshi më kanë pasi të dal nga spitali.”, shkruan Lapajn në Facebook.

Pas protestës së mbajtur një ditë më parë nga ‘Shqipëria Bëhet’ para Kryeministrisë, policia ka bërë me dije se ka arrestuar 4 persona pasi kanë hedhur sende të forta në drejtim të punonjësve të Policisë.

Ata janë indentifikuar si Edison Haklaj, Alfred Matoshi, Eligert Hima dhe Ergjys Llanaj.

Më tej në një njoftim tjetër theksohet se në gjendje të lirë do të hetohen edhe 9-të persona mes tyre edhe Adriatik Lapaj.

Zjarr Tv Adsxxxxxxxxxxxxxxxx

Policia ndërhyri në mesnatë për t’i hequr karriget, Adriatik Lapaj transportohet me urgjencë në spital

0

Kreu i lëvizjes Shqipëria Bëhet, Adriatik Lapaj, ka mbetur i lënduar gjatë ndërhyrjes që policia ka kryer rreth mesnatës për të larguar protestuesit e grumbulluar para Kryeministrisë.

Sipas informacioneve paraprake, gjatë përplasjeve Lapaj është dëmtuar nga goditja përmes një bombole gazi dhe është transportuar me urgjencë në spital për të marrë ndihmë mjekësore.

Lapaj ndodhet ende në spital në gjendje të qëndrueshme shëndetësore, teksa theksohet se nuk ka pësuar dëmtime serioze.

Aktivistët janë shprehur që protestat para Kryeministrisë do të vijojnë gjatë ditëve në vazhdim ku i kanë kërkuar qytetarëve që t’i bashkohen.

Pas kësaj situate Lapaj përmes një reagimi në rrjetet sociale shprehet se nuk do të dorëzohet, duke paralajmëruar se sapo të mbaroj ekzaminimet në spital do të kthehet sërish në shesh. Përgjegjës për këtë ai bën kryeministrin Edi Rama.

“Ndodhem te Spitali i Traumës ku po kryej ekzaminimet. Sërish do kthehem në shesh. Edi Rama unë nuk të kam frikë. Përkundrazi! Ti je kreu i një bande dhe do mbash përgjegjësi”, shkruan Lapaj në rrjetet sociale.

Ndërkohë blutë nga ana tjetër përmes një njoftimi bëjnë me dije se kanë arrestuar 4 persona, të identifikuar si Edison Haklaj, Alfred Matoshi, Eligert Hima dhe Ergjys Llanaj. Sipas njoftimit zyrtar të arrestuarit gjatë protestës kanë hedhur sende të forta në drejtim të punonjësve të Policisë. 2 prej efektivëve pësuan dëmtime dhe një prej tyre ndodhet ende në spital.

Përveç të arrestuarve Policia ka nisur hetimet edhe për nëntë persona të tjerë, mes tyre edhe Adriatik Lapaj.

Zjarr Tv Adsxxxxxxxxxxxxxxxx

Rruga e fshatit Dukas në gjendje alarmante: Heshtja e pushtetit vendor dhe përfaqësimit parlamentar

0

Banorët e fshatit Dukas përballen çdo ditë me një realitet të vështirë, ku mungesa e infrastrukturës bazë po kthehet në pengesë serioze për jetën e përditshme. Rruga kryesore e fshatit ndodhet në një gjendje të degraduar, me baltë, gropa dhe vështirësi serioze për qarkullimin e mjeteve dhe këmbësorëve, veçanërisht në periudhat me reshje.

Kjo situatë ngre pikëpyetje të forta mbi përgjegjshmërinë e Bashkisë Mallakastër, e drejtuar nga kryebashkiaku Qerim Ismailaj, i cili ka detyrimin ligjor dhe moral të garantojë mirëmbajtjen e infrastrukturës rrugore në zonat rurale. Në kushtet kur taksat dhe detyrimet vendore paguhen rregullisht nga qytetarët, mungesa e investimeve minimale në rrugë përbën neglizhencë institucionale.

Po aq shqetësuese është edhe heshtja e deputetit të zonës, Klevis Jahaj, i cili si përfaqësues i zgjedhur i banorëve të kësaj zone duhet të ngrejë zërin në Kuvend dhe pranë institucioneve për problematika kaq jetike. Përfaqësimi politik nuk duhet të kufizohet vetëm në fushata elektorale, por të jetë i vazhdueshëm dhe konkret në zgjidhjen e problemeve të komunitetit.

Rruga e Dukasit nuk është thjesht një segment i dëmtuar – ajo është simbol i harresës ndaj zonave rurale, ku banorët ndihen të braktisur dhe pa zë. Kjo situatë kërkon reagim të menjëhershëm, transparencë dhe plan konkret ndërhyrjeje nga pushteti vendor dhe mbështetje reale nga përfaqësuesit parlamentarë.

Banorët e Dukasit presin jo premtime, por veprime konkrete. Infrastrukturë dinjitoze është e drejtë themelore, jo favor politik.

Zjarr Tv Adsxxxxxxxxxxxxxxxx

Analiza/ Pse SHBA sulmoi Venezuelën dhe arrestoi presidentin Maduro

0

Gjatë natës së së premtes, Shtetet e Bashkuara kryen sulme ajrore në të gjithë Venezuelën, me shpërthime që tronditën kryeqytetin Karakas para agimit. Pak më pas, Donald Trump njoftoi se forcat amerikane kishin kapur presidentin e Venezuelës, Nicolás Maduro, dhe bashkëshorten e tij, Cilia Flores, dhe i kishin nxjerrë jashtë vendit.

Sulmi tronditës dhe kapja e paprecedentë e një presidenti në detyrë vijnë pas muajsh presioni intensiv nga SHBA ndaj Venezuelës. Që nga shtatori, marina amerikane ka grumbulluar një flotë të madhe pranë brigjeve të Venezuelës dhe ka kryer sulme ajrore ndaj anijeve të dyshuara për trafik droge në Karaibe dhe Paqësor, si edhe ka sekuestruar cisterna venezueliane të naftës. Të paktën 110 persona janë vrarë në sulmet ndaj anijeve, të cilat grupet për të drejtat e njeriut thonë se mund të përbëjnë krime lufte.

Zyrtarët venezuelianë kanë akuzuar SHBA se po përpiqen të sigurojnë akses në rezervat e naftës së vendit, më të mëdhatë në botë.

Bombardimi i Venezuelës dhe kapja e Maduros përbëjnë një përshkallëzim serioz dhe dramatik të fushatës amerikane. E ardhmja e regjimit qeverisës në Venezuelë mbetet e pasigurt.

Si arritëm deri këtu?

Që kur Trump mori detyrën për mandatin e tij të dytë, ai e ka vënë Maduron në shënjestër, duke ndjekur një fushatë presioni maksimal ndaj regjimit venezuelian. Ai e ka akuzuar Maduron se qëndron pas veprimtarive destabilizuese në Amerikë, përfshirë trafikun e drogës dhe emigracionin e paligjshëm drejt SHBA. Në korrik, SHBA shpallën një shpërblim prej 50 milionë dollarësh, rreth 37 milionë paundësh, për kapjen e Maduros, duke e akuzuar atë si një nga trafikantët më të mëdhenj të drogës në botë.

Administrata Trump i shpalli bandat venezueliane, si “Tren de Aragua”, organizata terroriste dhe nisi sulme ajrore ndaj trafikantëve të dyshuar të drogës në Detin Karaibe. Më pas, SHBA filluan të sekuestrojnë cisterna venezueliane dhe të rrisin praninë e tyre ushtarake në ujërat përreth vendit të Amerikës së Jugut.

Trump ka flirtuar hapur me idenë e ndryshimit të regjimit në Venezuelë. Në fund të nëntorit, ai i dha Maduros një ultimatum për të dorëzuar pushtetin, duke i ofruar kalim të sigurt jashtë vendit. Maduro e refuzoi ofertën, duke u thënë mbështetësve se nuk donte “një paqe skllavi” dhe duke akuzuar SHBA se synojnë të kontrollojnë rezervat e naftës së vendit.

Ndërsa administrata Trump rriste presionin, qeveria në Karakas herë pas here dukej e hutuar. Maduro deklaroi vazhdimisht se Venezuela nuk donte luftë me SHBA, në një rast vallëzoi përpara studentëve venezuelianë me tekstin “jo luftë, po paqe” dhe imitoi lëvizjen e grushtave të Trump. Të enjten, dy ditë para kapjes së tij, Maduro tha në një intervistë televizive se do ta mirëpriste investimin amerikan në sektorin e naftës.

Pse SHBA dhe Venezuela janë në konflikt?

Marrëdhëniet mes SHBA dhe Venezuelës janë të tensionuara që kur Hugo Chávez u bë president në vitin 1999. Socialist i deklaruar dhe antiimperialist, Chávez e zemëroi SHBA me kundërshtimin e tij ndaj pushtimeve të Afganistanit dhe Irakut, si edhe me aleancat me vende si Kuba dhe Irani. Marrëdhëniet u përkeqësuan më tej pasi Chávez akuzoi SHBA për mbështetjen e një grushti shteti në vitin 2002.

Për shumë në SHBA, veçanërisht në krahun më të ashpër të Partisë Republikane, orientimi socialist i qeverisë venezueliane e ka bërë atë një kundërshtar natyror, së bashku me aleaten e saj Kubën.

Ndërsa Chávez konsolidoi pushtetin, ndëshkoi kundërshtarët politikë dhe shtetëzoi pjesën më të madhe të sektorit privat, SHBA e dënuan Venezuelën për shkeljet e të drejtave të njeriut. Pavarësisht disa zbutjeve të vogla ndër vite, marrëdhëniet vazhduan të përkeqësohen, veçanërisht pasi Maduro mori pushtetin në vitin 2013.

Nën administratën Trump, SHBA e paraqitën qeverinë e Maduros si të paligjshme, duke njohur Juan Guaidón, kryetarin e parlamentit, si president të Venezuelës në vitin 2019.

Në korrik 2024, Maduro duket se pësoi një humbje të thellë në zgjedhjet presidenciale, mes zemërimit të gjerë ndaj sundimit të tij gjithnjë e më autoritar dhe kolapsit ekonomik. Administrata Biden njohu kandidatin e opozitës, Edmundo González, si fitues. Të dhënat e detajuara të votimit, të publikuara nga opozita dhe të verifikuara nga ekspertë të pavarur, tregonin se González kishte fituar, por Maduro u kap pas pushtetit duke nisur një shtypje të ashpër.

Në fillim të dhjetorit, administrata Trump publikoi atë që e quajti “korolaria Trump”, sipas së cilës hemisfera perëndimore duhet të kontrollohet nga SHBA politikisht, ekonomikisht, tregtarisht dhe ushtarakisht. Si pjesë e doktrinës së re Trump, ushtria amerikane mund të përdoret për të siguruar akses në burime energjie dhe minerale në rajon.

Kush është Nicolás Maduro dhe pse e kapi Trump?

Maduro është president i Venezuelës që nga viti 2013. Ish shofer autobusi, ai u ngrit nën Chávez, duke shërbyer si ministër i Jashtëm, përpara se të bëhej president pas vdekjes së Chávezit.

Sundimi i Maduros konsiderohet diktatorial, me OKB që vlerëson se në vitin 2019 mbi 20.000 venezuelianë u vranë në ekzekutime jashtëgjyqësore. Institucione kyçe, si gjyqësori, janë gërryer dhe sundimi i ligjit është përkeqësuar. Marrëdhëniet me SHBA kanë vuajtur gjithashtu.

Muajt e fundit, Trump ka kërkuar vazhdimisht largimin e Maduros, duke e akuzuar se dërgon drogë dhe kriminelë në SHBA, një pretendim për të cilin ekspertët thonë se mungojnë provat.

Pavarësisht muajsh retorike në rritje, kapja e presidentit në detyrë të shtunën erdhi pa paralajmërim dhe autoritetet venezueliane duket se u kapën në befasi nga operacioni i guximshëm.

Çfarë ndodh tani?

E ardhmja është e pasigurt. Ministri i Mbrojtjes i Venezuelës është zotuar të vazhdojë luftën dhe u ka bërë thirrje qytetarëve të bashkohen për të rezistuar ndaj “pushtimit” të huaj, duke e quajtur rezistencën ndaj SHBA “luftë për liri”.

Edhe pse Maduro është kapur, institucionet dhe ushtria venezueliane duken ende funksionale. Nuk është e qartë nëse sulmi i së shtunës ishte fillimi i një konflikti më të gjerë apo një operacion i izoluar. Udhëheqës të opozitës venezueliane, me në krye fituesen e Çmimit Nobel për Paqe María Corina Machado, i kanë bërë thirrje Trumpit të ndihmojë një kryengritje në vend.

SHBA kanë zhvilluar më parë lojëra lufte për të simuluar një skenar ku udhëheqja e Venezuelës “pritet në kokë”. Simulimet parashikonin kaos të zgjatur, me refugjatë që do të largoheshin masivisht dhe grupe rivale që do të luftonin për kontrollin e vendit.

“Do të kishit kaos të zgjatur, pa një rrugë të qartë daljeje”, tha Douglas Farah, ekspert i Amerikës Latine që ndihmoi në zhvillimin e këtyre simulimeve./Lapsi.al

Zjarr Tv Adsxxxxxxxxxxxxxxxx
1...107108109...9 846Faqja 108 nga 9 846