Berisha është më i miri në Partinë Demokratike. Kështu u shpreh zëdhënësja e Partisë Demokratike, Floriana Garo, në Dita Jonë në A2 CNN teksa ka rrëfyer marrëdhënien me liderin demokrat. E pyetur nëse Berisha duhet t’ia lërë vendin dikujt tjetër në parti, Garo u përgjigj se nuk është kreu demokrat problemi në PD.

“Mund të them që zoti Berisha nga çfarë unë kam parë në PD. Unë besoj që është më i miri në PD, e them me plot bindje, jo si zëdhënëse e PD. Ai është me dritë-hije. Ka gabimet e veta, por ai punon më shumë se kushdo tjetër, ka forcë karakteri më shumë se kushdo  dhe nuk mendoj që Berisha është problemi i PD, siç mund ta thonë të tjerë. Gara është e hapur kush të dojë të garojë. Shumë thonë që garoj, po të iki Berisha, kjo nuk është e drejtë”, tha Garo në A2 CNN.

Teksa foli për marrëdhënien me Berisha ajo theksoi se në shumë raste e kërkon mendimin e saj, por vendimet i merr vetë. Ajo e përshkroi liderin demokrat si jo shumë të lexueshëm, ndërsa të tjerët në PD sipas saj nuk janë të drejtpërdrejtë dhe të hapur me të.

“Mendoj që e kërkon mendimin tim me raste të caktuara. Në disa përudha ai do ta dijë se çfarë mendoj dhe ka momente që është shumë i qartë. Nuk është shumë i lexueshëm si natyrë. Ai do mendim, vendimet i merr vetë. Por do ti dëgjojë mendimet e të tjerëve. Brenda partisë jo të gjithë janë të drejtpërdrejtë e të hapur me të”.

Garo foli edhe për karrierën e saj politike të cilën e sheh si një shërbim ndaj njerëzve.

Po mbahet mesditën e kësaj të hëne seanca paraprake për kryebashkiakun e Tiranës, Erion Veliaj.

Në seancën me dyer të mbyllura avokatët kanë kërkuar që klienti i tyre të njihet vetë me aktet dhe t’ia çojnë në burg. Përmes avokatëve, Veliaj ka kërkuar edhe laptop në burg me pretendimin se i duhet për të lexuar aktet.

Ndërkohë që prokurori i SPAK ka kundërshtuar duke thënë se ata tashmë janë njohur me aktet.

“Jeni njohur me aktet, kërkoni të gjykoheni dhe nuk vini në gjykim”, raportohet të ketë thënë prokurori.

Në seancën e sotme do të vendoset nëse dosja do të kalojë për gjykim apo jo.

SPAK mbylli hetimet dhe dërgoi për gjykim dosjen e Veliajt dhe 28 personat e tjerë të përfshirë në dosje më 10 shtator.

Veliaj akuzohet se është përfshirë në 9 raste korrupsioni, pastrim parash dhe mosdeklarim pasurie, shpërdorim detyre si dhe futje të sendeve të ndaluara në qeli.

Edhe bashkëshortja e tij, Ajola Xoxa akuzohet për korrupsion pasiv në 9 raste, gjithashtu në lidhje me subjekte tregtare dhe organizata jofitimprurëse.

Ajo akuzohet po ashtu për pastrim parash, mosdeklarim pasurie dhe fshehje të të ardhurave. Ish-deputetja  akuzohet për veprime që pengojnë zbulimin e së vërtetës.

Kujtojmë që Gjykata Kushtetuese me shumicë votash vendosi që të rikthejë në detyrën e kryetarit të bashkisë Erion Veliaj duke rrëzuar shkarkimin e tij, si rrjedhojë solli edhe anulimin e zgjedhjeve të parakohshme për Tiranën.

Edi Rama ishte i pranishëm mëngjesin e kësaj të hëne në Bruksel, në Konferecën e 7-ndërqeveritare, në hapjen e grup-kapitullit të fundit të negociatave për integrimin në BE.

Ashtu si edhe në mbledhjet e zakonshme me zyrtarët e BE-së, edhe ditën e sotme Rama ka dhuruar spektakël. Ai u ka dhuruar zyrtarëve të BE-së një verë shqiptare si dhe një tortë me numrin 6 sipër, në simbol të 6 grupkapitujve të hapura deri më tani në procesin e integrimit.

Kjo nuk është hera e parë që Rama tenton të bëjë gjeste për të rënë në sy. Ai shpesh ka tentuar të bëjë batuta me zyrtarët e BE-së, ndërsa nuk kanë munguar dhe uljet në gjunjë, si në rastin e kryeministres së Italisë, Giorgia Meloni.