Ka përfunduar mbledhja e Komisionit të Ligjeve në bashkinë Tiranë, për shkarkimin e kryebashkiakut të Tiranës, Erion Veliaj.

Në një deklaratë për mediat, një nga këshilltarët e opozitës, Endrit Shabani tha se “pas 7 muajsh u kujtuan për këtë proces, pasi i kanë humbur kohë Tiranës”.

“Nuk ka asgjë për t’u diskutuar sepse është fakt kronologjik, ligji thotë se pas 3 muajsh duhet propozuar shkarkimi i tij.”

Sipas tij, pati debat se pse nuk janë përfshirë në rend dite kërkesat e opozitës.

“Sot u erdhën mendtë dhe po e votojnë, megjithatë më mirë vonë se kurrë”, tha ai.

Ndërsa për nënkryetarin e Këshillit, Dorjan Teliti, Veliaj ka të drejtë të dëgjohet në Këshillin Bashkiak.

“Opozita nuk ka asnjë problem me këtë”, tha ai, duke shtuar se duhet t’ja përplasin në fytyrë të gjitha abuzimet që ka kryer.

Në orën 16:00, pritet mbledhja e Këshillit Bashkiak ku do të votohet për shkarkimin ose jo të Veliajt. i cili ndodhet në paraburgim që prej 10 shkurtit.

Ilir Alimehmeti, i pyetur në Euronews Albania nëse do të kandidojë për Bashkinë Tiranë, tha se si fillim kanë si qëllim shkarkimin e kryebashkiakut aktual.

Alimehmeti tha se nuk synon projekte afatshkurtra dhe të momentit ndërsa theksoi se do të mbështesë kandidatin e PD-së.

“Jemi akoma të fokusuar te shkarkimi i Erion Veliajt. 

Ka një farë vonese nga Partia Demokratike. Ishte e qartë që do vinte kjo ditë. Kemi dy krahë pune. Një krah pune për të demontuar Veliajn, me shkresa, çuarje para drejtësisë. Protesta para bashkisë. Brenda këshillit me qëndresë.

Një aspekt, shkarkimi i tij, dhe aspekti tjetër, për të shkuar drejt konkurrimit me kë do vinte PS-ja. Jam lojtar grupi. Jam për një platformë që mund të zbatohet, që do kohën e vet dhe besoj në projekte politike afatgjata dhe jo afatshkurtra dhe të momentit. Konkurroj për projekte ku mund të shkoj me grup dhe platformë.

Momente ku nuk mund të shkosh me grup dhe platformë, unë jam kryetar i këshilltarëve në Bashkinë Tiranë dhe vazhdoj do kem punën aty. Do mbështes kandidatin e PD kushdo që të jetë”, tha Alimehmeti.

Ish-deputeti Kujtim Gjuzi, i ftuar në emisionin “Të Paekspozuarit” në MCN TV, u shpreh se nëse Berisha e kandidon për kryetar bashkie për Tiranën, non grata ndaj kreut të PD-së hiqet për 33 ditë. Gjuzi u shpreh se asnjë nga deputetët e opozitës nuk pranon të kandidojë për të lënë favoret e mandatit, por ai do të pranonte nëse Berisha do ta thoshte emrin e tij në konferencë shtypi dhe se projekti është gati pasi, sipas tij, është bërë në zyrën e Flamur Nokës.

Pjesë nga biseda

Gjuzi: Unë nuk jam më i fortë se Ilir Meta për të marrë bashkinë e Tiranës se ai ka qenë president, kryetar kuvendi etj. Ka një pengesë. E kemi bërë një herë provë me një njeri në pesion, Halim Kosovën. E bëjmë provë nëse Sali Berisha thotë, pasi shumica nuk do të pranojnë, se nuk do të lënë mandatin ata se janë 5 milionë lekë të vjetra, se s’ka luajtur mendsh mileti, sidomos tiransit që e bëjnë llogarinë me tjegulla, atëherë, nëse nuk ka një kandidat, ne e kemi marrë bashkinë. Pse? Trami elektrik bën 6.7 miliardë dollarë, që do të thotë se nuk nevojë as të blesh vajzën presidentit Trump, se mbretin e Anglisë nuk e blen dot dhe Erion Veliaj është në burg se nuk ka realizuar tramin. Lulzim Basha është jashtë politik se për 4 vite tha se do të bënte tramin me Sali Berishën dhe nuk e bëri dhe është jashtë politikës.  Se thonë se ju shkuat kot në parlament. Ne mbajtëm instucionet, ndërsa Bashës i thanë që po s’dole nga parlamenti afera 200 milionë euro shkon në SPAK.

Rakipi: Ja Sali Berisha pranoi…

Gjuzi: Ta nxjerrë Berisha nesër emrin tim në konferencë shtypi. Nuk duhen as 33 ditë që të zgjidhet puna e non gratës. Non grata ka qenë për t’u hequr. Tani ata thonë në telefon.

Rakipi: Po atëherë ai paska rrjedhur që të mos e heqë.

Gjuzi: Nuk e dimë atë punë ne. Ylli Rakipi, e di Sali Berisha se ku fle lepuri. Lepuri nuk jam unë. Ariu është Doktori. Po doli nga guva, i kam thënë unë ambasadores amerikane; mos e nxirr ariun nga guva. Po e nxorre vjen aty. Kanë qeshur me mua aty te hotel Tirana ku kam takuar Gramoz Ruçin, se e kam patur kryetar parlamenti.

Rakipi: Berisha thua ti i ikën non grata për 33 ditë. Ka rrjedhur atëherë po të mos e bëjë.

Gjuzi:  Ka qenë në zyrën e Flamur Nokës dhe u bë projekti. Unë nuk e di po Flamur Noka ia ka çuar Berishës, po unë luaj me lojtarë rezervë. Unë kam mesazhin këtu që është super por që nuk e nxjerr këtu, por do ta tregoj poshtë, që thotë ai që është kandidat për të ardhur këtu ambasador. Unë e pyes ku jemi me ambasadorin amerikan në Shqipërim, ai thotë akoma. Ama titullin e ka marrë, se ka qenë te ajo festa e madhe e ambasadorëve.

Deputeti i Partisë Demokratike, Luan Baçi, i ftuar në studion e “Puls” nga Bruna Çifligu, në A2 CNN, deklaroi se e mira do të ishte që opozita mos t’i bënte veprimet që u panë në seancë plenare, por shtoi se mazhoranca meriton jo vetëm t’u hedhësh librat, por edhe karriget.

“Mirë do të ishte të mos bëheshin veprimet me hedhje librash apo bidonash. Ata meritojnë jo vetëm librat, por edhe karrigen ta marrësh e t’ia hedhësh në kokë të gjithëve, por ne nuk duhet t’u japim atyre shkak. Ata pretekst duan që ta shesin te opinioni se opozita bën veprime të pahijshme, në shkelje të rregullores, dhe prandaj marrim masa”, tha Baçi, shkruan A2.

“Ne e dimë mirë që Rama nuk e pranon përballjen sepse nuk ka argumente dhe gjithmonë do të gjejë mënyra për të provokuar opozitën. Por, vendoseni veten pak në vendin e opozitës. Çfarë mund të bësh kur të vendosin në shpatulla pas muri dhe duhet të reagosh. Nëse nuk reagojmë, i bie që të ikim farë nga Parlamenti dhe po ikëm nga Parlamenti, jemi prapë fajtorë se e braktisim Parlamentin. Ne argumentojmë shkeljet e Kushtetutës, por ata vazhdojnë me arrogancën e tyre dhe me fuqinë e kartonit. Ato janë momente reagimi, me të drejtë, të disa deputetëve. Nuk është vendim i grupit parlamentar, janë veprime emocionale të detyruara nga mazhoranca. Nuk ishte rënie në kurth, nuk ishte as programim i grupit parlamentar të opozitës sepse ishim përgatitur për të shfrytëzuar 10 minutat që kishim secili si deputet”, shtoi deputeti demokrat.

Kreu i Partisë Demokratike, Sali Berisha ka konfirmuar pjesëmarrjen e opozitës në zgjedhje e pjesshme që pritet të zhvillohen së shpejti në bashkinë e Tiranës.

Nga selia blu, Berisha tha se PD-ja do të synojë të gjejë një kandidat nga koalicioni i gjerë opozitar që do të sfidojë Ogerta Manastirliun.

“Së pari, PD do bëjë përpjekje për të hyrë me koalicion në zgjedhjet për Bashkinë e Tiranës” u shpreh Berisha.

Ai theksoi se do të kërkohet bashkëpunim me të gjitha partitë që ndihen opozitare, ndërsa theksoi se çështja e kandidaturës do të jetë pjesë e një debati të brendshëm mes aleatëve.

“Nuk themi që ose të jetë kandidatura jonë ose s’ka koalicion, por të gjithë janë të vetëdijshëm që zëri kryesor në koalicion do të jetë PD,” tha Berisha.

Ai shtoi se pas konsultimeve me aleatët, do të prezantohet edhe kandidati për bashkinë, duke theksuar se Partia Demokratike “nuk ka vetëm një, por disa kandidatë të shkëlqyer” dhe se nuk ka asnjë problem me gjetjen e emrit përfaqësues.

Ai u shpreh se PD ka jo një, por disa kandidatë të shkëlqyer, të pakrahasueshëm me atë që e cilësoi si “Korbën e Korrupsionit”, duke e quajtur kandidaten socialiste si figurën më të zezë në historinë e qytetit.

“Tani ajo pyetja. PD ka jo një, por disa kandidatë të shkëlqyer, të pakrahasueshëm me Korbën e Korrupsionit, e cila përbën kandidaten më të zezë në tërë historinë e qytetit të Tiranës. Po unë besoj se kandidatët nuk mund të jenë gjë tjetër veçse emra.

Ka emra… nuk jam unë i autorizuar të nxjerr emra këtu, por të siguroj që PD ka kandidatë të pakrahasueshëm me Korbën e Covid-it, përgjegjëse direkte me vjedhjet e tmerrshme të fondeve dhe politikave që ndoqi gjatë pandemisë së Covid-it, duke i çuar vdekjet e shqiptarëve në nivelet më të larta në botë. Pra, ka pa diskutim jo një, por disa kandidatura… …Erion Veliaj ka bërë letër kërkesë që të dëgjohet.
Këshilltarët tanë, të garantoj që do të votojnë që ai të dëgjohet.

Nuk ka diskutim. Ajo është një e drejtë që nuk mund t’i mohohet atij. Përkundrazi të jeni aty dhe ju do shihni se si do ia rendisin këshilltarët tanë të gjithë dosjen e zezë. Edhe ato që renditur Skapi, edhe ato qëka fshehur Skapi, të gjitha së bashku. Pra, kjo është. Por besoj se është gjëja më elementare që tjetrit, ndaj të cilit merret një masë, të dëgjohet. Mbrëmë ai ka fjetur me Gjushin në qeli.

E morët vesh? Po. Gjushi u dënua tetë ditë vetëm e vetëm që të shkojë në qeli tek ai. Ja, këto nuk i pëlqej unë. Jo, këto unë jam kundër tyre. Do të respektohen të gjithë rregullat. Se Gjushi është si urith. Dhe i them Gjushit ke bërë gabimin më të madh të jetës. Mos i bëj spiun ordiner. Ç’punë ke ti me Erion Veliajn? Lëre aty. Tetë ditë Gjushi burg, por kjo është… Vazhdojmë…”, tha Berisha.

Gjithashtu Sali Berisha tregoi se si do të vijojë aksioni opozitar ditët në vijim. Nga selia blu, Berisha tha se PD do të dërgojë në Gjykatën Kushtetuese mocionin për mosbesimin e Peleshit.

Ai theksoi gjithashtu se opozita do të përqendrohet në organizimin e protestave, të cilat sipas tij janë rruga e vetme për të luftuar “narkoregjimin e Ramës”.

“Parlamentin e mbylli Edi Rama me Niko Peleshin të cilët donin me çdo kusht që shqiptarët të mos njiheshin me vjedhjet shpërdorimet monstruoze të Edi Ramë, familjes dhe ministrave të tij. Ndaj dhe përdori shkelmimin e rregullores për të mbyllur seancëm. Kjo është betejë në vazhdim. Ne do të insistojmë me të gjitha mënyrat është bërë një vendim që të kërkohem mocion mosbesimi për Peleshin dhe do dërgohet në Gjykatë Kushteuese. Protesta rruga e vetme që ka opozita për këtë narkoregjim, për t’i imponuar këtij narkoregjimi ligjin dhe kushteutën”,  tha Berisha.