Ditën e sotme, bëhen 27 vite nga vrasja e deputetit demokrat Azem Hajdari afër selisë së PD-së më 12 shtator 1998.

Pak para nisjes së sesionit të ri parlamentar, Partia Demokratike organizoj një ceremoni përkujtimore për Azem Hajdarin në përvjetorin e vrasjes së tij në oborrin e selisë së PD.

Në këtë ceremoni ishin të pranishëm familjarët e ish liderit të dhjetorit dhe drejtues të opozitës, ku nuk mungojë as kreu i PD, Sali Berisha.

Në fjalën e tij Berisha u shpreh se  se sot pluralizmi për të cilin Azem Hajdari dhe studentët liberatorë ecën drejt sakrificave sublime, për rivendosjen në Shqipëri të pluralizmit, defakto është i shtypur, i dhunuar, pasi sipas tij, nuk ekziston vota dhe fjala e lirë.

Berisha: Në këtë përvjetor të rënies së tij për të mbetur i pavdekshëm. Azem Hajdari së bashku me sivëllain e tij Besim Çerja janë më të gjallë se kurrë ne idealet e Shqiptarëve që aspirojnë lirinë dhe dinjitetin njerëzor. Idealet e Azem Hajdarit sot janë më kushtruese me ftuese se kurrë që nga viti 90 e gjer në këtë moment. Mbasi Shqipëria është zhytur sot në formën më të shëmtuar të diktaturave që është diktatura e drogës, krimit dhe vjedhjes së shqiptarëve. Sot pluralizmi për të cilin Azem Hajdari dhe studentët liberatorë ecën drejt sakrificave sublime për rivendosjen në Shqipëri të pluralizmit, de facto është i shtypur, i dhunuar. Sot vota e lirë nuk ekziston. Fjala e lirë është në satrin e xhelatëve të pushtetit, në starin e Edi Ramës siç ishte ajo ne diktaturën tjetër ku i ati i tij xhelat firmoste varjen e poetëve, ekzekutimin e qytetarëve për fjalën e lirë, e mendimin e lirë. Sot është një ditë betimi, do të thosha për çdo demokrat shqiptar për çdo deputete të PD për çdo drejtues të kësaj partie dhe mbështetësit e saj që të ngrihemi për të shpëtuar Shqipërinë për të shpëtuar votën e lirë, për të shpëtuar fjalën e lirë. Edhe një here të gatshëm për çdo çmim dhe sakrificë. Pasi liria dhe dinjiteti kërkojnë sakrifica. Unë kam bindjen se demokratët shqiptarë, pavarësisht nga ditët e vështira do ti tregojnë, Shqipërisë dhe botës se ata janë në armiqësi me armiqtë e lirisë, me armiqtë e fjalës së lire dhe se do të kthejnë në këtë vend dinjitetin njerëzor dhe do te kthejnë përsëri në këtë vend votën e lirë, fjalën e lirë…

Ajo që ra në sy në këtë ceremoni ishte mosprezenca e vajzës dhe politikanes së shquar e intelektuales brilante, Rudina Hajdari.

Rudina Hajdari ka qenë kritike kohët e fundit ndaj opozitës shqiptare nga mënyra e funksionimit të saj.

Dikur pjesë e PD, Rudina Hajdari u mundua që të linte gjurmë në politikën shqiptare si i ati i saj, por siç duket ajo që la janë vetëm disa gafa në Kuvend.

Nga Artan Fuga

E them se shfaqja e djeshme nga ana e komunikimit masiv ishte si mbledhje kooperative bujqësore!

Në vend të një programi qeverisës ku emrat e rinj në krye të dikastereve të lidheshin me politikën e ardhshme, patëm paraqitje individësh me emfazë, sikur shpalleshin çmimet OSCAR, si njerëz të jashtzakonshëm, por që nuk dihet se çfarë kanë bërë të veçantë për të mirën publike.

Si tha shoku Enver në Kongresin e katërt të partisë kur po shpallte antarët e komitetit qendror, për karshillik ndaj tovararish Hrushçev?

Ne kemi kuadro për të formuar katër komitete qendrore, jo një!

I bëri helaq të propozuarit!

Kurse dje ishte ndryshe!

Të gjithë:

Supermen dhe superwoman!

Sikur kemi 35 vjet që jemi në BE, jo sikur treni dhe lokomotiva kanë ngec në Maminas a Rroskovec!

Si shpallen në ring boksierët në një sallë që i brohoret në ndeshjet kiç! Seç kishte aromën e një ndeshje sporti në Pallatin e Sportit PARTIZANI!

Seç kishte diçka nga aroma e një pazari peshku ku shitësi lavdëron peshkun e vet të freskët, të sapokapur në grep, pa hala, që gatuhet shpejt!
Si një shfaqje reklame dhe marketingu !

Asnjë aromë evropianizimi! Sa gjynah!

Diella duhet të ndërhyjë!

E gjitha kjo në një hipokrizi të trashë të kamerës, e cila edhe donte të bënte sikur askush nuk dinte asgjë se kush do të bëhej gjë, por edhe në çastin kur dikujt i përmendej emri si ministër, e kishte gjetur dy sekonda më parë fytyrën në sallë dhe ishte fokusuar atje.

Po ku e dinte kameramani xhanëm!

Dhe të nominuarit OSCAR, të gjorët a të gjorat, mbanin një fytyrë të ngrirë, pa asnjë shprehje, të ngurtësuar, të palëvizshme, hermetike, sikur të mos ishin njerëz.

Nuk i lejonin vetes asnjë shprehje si të ishin skulptura kokash në një amfiteatër antik.

Kurse në fytyrat e atyre që prisnin, por s’kapën gjë, në fytyrat e atyre që ishin, por ikën, si edhe te fytyrat e atyre që nuk prisnin gjë, por kishin cmirë për ata që nominoheshin OSCAR, në sy vështrim me cmirë, nofulla të ngrira dhe shtrënguar si darë, qendrim koke me qafë si monument, vështrim, vetëpërmbajtje të papërmbajtur, çfarë nuk lexohej, (Cfarë ka ajo më shumë se unë?), o nëne o nëne, si është njeriu, sidomos njeriu me pushtet, sidomos njeriu me pushtet të pamerituar!

Agron Shehaj ka folur në Euronews Albania lidhur me kandidaturën e mundshme të opozitës që do të përballet me socialistët për postin e kryetarit të Bashkisë së Tiranës.

Kryetari i Partisë Mundësia u shpreh se vetëm një kandidaturë jopolitike dhe përbashkuese, e mbështetur nga të gjitha partitë opozitare, do të kishte realisht shanse për të fituar në garën për Bashkinë e kryeqytetit.

“Duhet një kandidat jopolitik, i pavarur, që të bashkojë 32 përqindëshin e PD-së, 6 përqindëshin e një partie tjetër, apo 3 përqindëshin e forcës tjetër që vjen pas. Kjo është e vetmja mënyrë që të mundim Edi Ramën. Nuk ka rëndësi emri tani. Duhet të vendosim nëse jemi dakord me këtë qasje – pastaj emri gjendet, se ka shqiptarë të zotë,” – theksoi Shehaj.

Sipas tij, në kushtet aktuale, e vetmja mënyrë për të pasur shanse përballë mazhorancës është që opozita të përzgjedhë një kandidat teknik, të pavarur, i cili nuk është anëtar i asnjë partie politike dhe që nuk perceptohet si përfaqësues i ndonjë force politike.

“Na duhet një kandidat i përkryer dhe i jashtëzakonshëm, pavarësisht se çfarë mendojnë kryetarët e partive opozitare. Ideja është të gjejmë një kandidat të pavarur, që të përfaqësojë opozitën”, tha Shehaj.

Kryeministri Edi Rama, ka njoftuar nga Asambleja e PS, shkarkimin nga detyra të Erion Veliajt, i cili ndodhet në qeli që prej shkurtit të këtij viti dhe akuzohet për 13 vepra penale.

Rama tha se Veliajt i është mohuar e drejta e gjykimit në liri dhe se asnjë zevendësues nuk mund të ketë legjitimitetin që nëvojitet për ta udhëhequr.

Po ashtu, Edi Rama ka shpallur kandidate për kryetare të Bashkisë së Tiranës, Ogerta Manastirliun.

“Qytetarët e Tiranës nuk mund të presin më as 7 ditë të tjera pa ditur se çfarë do të bëhet me bashkinë e Tiranës. E çmoj nga afërsia e punës me të, ose nga distanca, por gjithnjë në respekt me integritetin në kryerjen e çdo detyre, dhe mbi të gjitha për shërbimin e veçantë ndaj publikut, kujdesin nga bashkëpunëtorëve dhe për vëmendjen ndaj çdo njeriu në Shqipëri që e ka lidhur detyra, që Ogerta Manastirliu është njeriu që i duhet sot Tiranës.”, tha Rama.