Ballina Blog Faqe 42

Aksidenti tragjik në Durrës, Agron Llakaj: Shoqëri e paedukuar dhe rrugaçe

0

Agron Llakaj nuk i ka mbajtur dot lotët në “Top Story” teksa foli për aksidentin tragjik në Durrës, ku dy të mitur humbën jetën dhe një i tretë u plagos rëndë.

Aktori i njohur ka drithëruar me fjalët e tij, ku u shpreh se ne jemi një shoqëri rrugaçe, ku të fortët sundojnë dhe bëjnë ligjin.

“Për mua është një karambol shpirtëror. Ndoshta mund të vija në studion tënde dhe të qeshnim. Por kjo është një klithmë për të gjithë shoqërinë. Dua të shpreh ngushëllimet më të sinqerta për familjarët. Zoti i forcoftë. Duhet të pësosh në jetë që të kuptosh se çfarë është dhimbja.

Ne kemi një shprehje që thuhet ‘larg nga evlati’. Kemi parë fëmijë që përcjellin prindin, por që prindërit të përcjellin fëmijët e tyre, kjo është klithmë. Ne si shoqëri harrojmë shpejt. Këtu është problemi i thelbit të shoqërisë.

Ne jemi një shoqëri e paedukuar, një shoqëri rrugaçe. Çfarëdo që ndodhte diçka e tillë, do ndodhte. Mendoj se sot udhëheqin të fortët. Ata kanë të drejtën absolute të futen ku të duan, sa të duan… Tirana nuk të le të ecësh më shumë se 40 km/h.

Thjesht mbajmë sytë nga ekrani, veshët diku për të mësuar viktimën e radhës. Mendoj se është një problem pak më tepër sesa për ta folur dhe për ta bërë. Klithma ime është e jashtëzakonshme, por janë ato vargjet e Migjenit: Ah që s’kam një grusht të fortë që ti bie malit’. Unë kujt ti bie?

Ne na mungon dashuria e njeriut për njeriun. Mua më duket se ky krim, me atë heshtjen tonë, jemi bashkëautorë në krim. Unë jam prind, jam gjysh. Mezi pres mëngjesin që ata engjëj të mi të më thonë: ‘Mirëmëngjes gjysh, ditë të mbarë’.

Dhimbja është njësi relative. Por te kjo, klithma është pak. Iu përgjigja ftesës pa menduar se mund të jem adapti për të bërë një analizë, pavarësisht se roli që kam në ekran na bën të përcjellim mesazhe. Jemi një shoqëri Facebook-u, TikTok-u…

Po rrisim një brez, mbase e ekzagjeroj, një brez i rrezikshëm. I shoh dhe them: ‘Oh Zot, a kanë familje këta, a kanë prindër?’. Ata shohin modele që i forti sundon.

Dëgjova Erion Braçen që tha se është krim. Po është krim, do dënohet ai dhe për x vite do dalë ai. Edhe dënimi i tij nuk ka vlerë. Çfarëdo që të jetë. Burgim i përjetshëm, do ta mbajmë me bukë. Çfarë?”, tha Llakaj.

Zjarr Tv Adsxxxxxxxxxxxxxxxx

Shqipëria, ligje të dobëta dhe administratë të fryrë!

0

Procesi i hartimit të ligjeve në Shqipëri ka dobësi pasi bëhet, pa analizë të mirëfilltë të efekteve që ato kanë në ekonomi dhe shoqëri vërën një studim i fundit i SIGMA (një nismë e përbashkët e BE dhe OECD për Mbështetje për Përmirësimin dhe Menaxhimin e Qeverisjes).

Ekspertët e huaj vënë në dukje se Shqipëria ka kabinetet qeveritare më të fryra në rajon, por kjo forcë e madhe këshillimore nuk po përkthehet në ligje me cilësi më të lartë dhe në raportim më të mirë të rezultateve.

Sipas të dhënave të publikuara mbi cilësinë e zbatimit të Vlerësimit të Ndikimit Rregullator (RIA) midis qeverive të grupit SIGMA-9, Shqipëria paraqitet me performancë të dobët.

Sipas SIGMA raportet që shoqërojnë draft-ligjet shqiptare dështojnë në pikat më kritike, pasi ato nuk ofrojnë një analizë të plotë të problemit, nuk shqyrtojnë opsione alternative përveç asaj që propozon qeveria dhe nuk identifikojnë grupet e interesit që preken.

Më shqetësuese mbetet mungesa e llogaritjeve financiare (kosto-përfitim) për ndikimin e ligjeve, një kriter ku Shqipëria, së bashku me pothuajse të gjitha vendet e rajonit, përveç Serbisë që ka një progres të pjesshëm, dështon plotësisht. E vetmja pikë ku Shqipëria tregon një shenjë reflektimi është në analizën e monitorimit dhe vlerësimit, por edhe kjo mbetet në nivele minimale.

Kjo dobësi në hartimin e politikave pasqyrohet edhe në fazën e planifikimit dhe raportimit të punës në ministri. Ministritë e linjës nuk arrijnë të ndërtojnë plane pune me objektiva të matshme, duke e bërë llogaridhënien për paratë publike një mision të pamundur.

Gjetjet e SIGMA-s sugjerojnë se sfida e Shqipërisë është paaftësia për të orientuar burimet e mëdha njerëzore në kabinete drejt analizave serioze rregullatore dhe monitorimit të rezultateve.

Tabela e mëposhtme që shoqëron studimin tregon një situatë alarmante për transparencën dhe efektivitetin e politikave publike. Në 8 shtyllat kryesore të vlerësimit, Shqipëria ka marrë notë kaluese të pjesshme vetëm në njërin prej tyre “ monitorimin dhe vlerësimin pas zbatimit të politikave.

Mali i Zi udhëheq procesin, duke përmbushur pothuajse shumicën e kritereve të kërkuara nga standardet ndërkombëtare. Edhe Serbia tregon një performancë të qëndrueshme, veçanërisht në analizën e kostove dhe monitorimin e zbatimit./ Monitor

Zjarr Tv Adsxxxxxxxxxxxxxxxx

Burgjet plotë me të paraburgosur, Gjykata e Lartë ndryshon pjesërisht kriteret për masën “arrest me burg”

0

Gjykata e Lartë ka ndryshuar kriteret për zbatimin e masës së sigurisë “arrest me burg”, duke ndryshuar disa prej tyre dhe duke detyruar akuzën ta justifikojë atë si masën e vetme të mundshme, shkruan A2 CNN.

Në vendimin e dhënë këtë të hënë, të lexuar nga kryetari i Gjykatës së Lartë, Sokol Sadushi, u vendos rishikimi i vendimit të mëparshëm unifikues, i marrë në vitin 2011, për këtë masë sigurie dhe për kohëzgjatjen e saj.

Vendimi ndryshon 3 pika të shqyrtimit të masës së sigurisë.

1: Formulimi i mëparshëm, sipas të cilit, kur kërkohet ose vendoset masa e sigurimit “arrest në burg”, gjykata nuk ka detyrimin të analizojë realisht masat alternative dhe mjafton të arsyetojë se masa e zgjedhur është e përshtatshme për rastin konkret, nuk është në përputhje me nenet 228-230 dhe 245/1, shkronja “ç”, të Kodit të Procedurës Penale, si dhe me nenin 5 § 3 të Konventës Europiane për të Drejtat e Njeriut. Për këtë arsye, gjykata ka detyrimin të shqyrtojë realisht masat më pak kufizuese të lirisë personale dhe të arsyetojë shprehimisht përse ato nuk janë të mjaftueshme në rastin konkret. Ky arsyetim duhet të jetë i individualizuar, i mbështetur në fakte dhe i lidhur drejtpërdrejt me rrethanat konkrete të çështjes.

2: Masa “arrest në burg” ka natyrë përjashtimore dhe mund të vendoset vetëm kur masat e tjera janë të papërshtatshme. Rrezikshmëria e veprës dhe e autorit nuk mund të nxirret vetëm ose kryesisht nga natyra e veprës penale apo nga marzhi i dënimit, por duhet të mbështetet në një vlerësim konkret të rrethanave të çështjes, mënyrës së kryerjes së veprës, pasojave, personalitetit, sjelljes dhe të dhënave personale e familjare të personit ndaj të cilit kërkohet masa.

3: Barra e justifikimit të nevojës për caktimin dhe vijimin e masës “arrest në burg” i takon prokurorisë. Gjykata ka detyrimin ta verifikojë dhe ta arsyetojë këtë nevojë në çdo fazë të procedimit. Vendimmarrja e saj nuk mund të kushtëzohet nga paraqitja ose jo e “provave pozitive” nga i pandehuri.

Vendimi i të hënës pritet të ketë impakt të gjerë në sistemin gjyqësor, lidhur me masat e paraburgimit.

Zjarr Tv Adsxxxxxxxxxxxxxxxx

Përplasja në PD, Salianji për Berishën: E mban Rama me para

0

Më 23 maj, Sali Berisha do të jetë kandidat i vetëm në garën për drejtimin e Partisë Demokratike. Në një intervistë në rubrikën “Përballë Lajmit” në Klan News me gazetarin Besard Jacaj, ish-deputeti Ervin Salianji ka ngritur akuza të rënda ndaj kreut të kësaj force politike.

Ai e akuzoi Berishën për lidhje me krimin.

“Ka probleme më të mëdha Sali Berisha me drejtësinë. Me këtë drejtësi, se për gjykatat ndërkombëtare, e kam nxjerrë sot vendimin e gjykatës britanike, që qartësisht në vendim e shpreh që Sali Berisha është i lidhur me grupe të krimit të organizuar dhe që i përdor këto grupe për influencën e vet politike, pra edhe këtë le ta vendosnin, por nuk e pengon as ligji, as statuti i partisë që të kandidosh në parti politike me këtë dënim”, tha Salianji.

Sipas tij, kryeministri Edi Rama i siguron Berishës përfitime si para, leje dhe koncesione, ndërsa shtoi se kreu i opozitës është i ekspozuar ndaj presioneve për shkak të dosjeve që mund të ketë ndaj tij.

“Realisht ne jemi në regjimin Rama-Berisha. Berisha mban në pushtet Edi Ramën, Rama i jep atë për të cilin Sali Berisha shet edhe shpirtin: paratë, lejet, koncesionet edhe mbrojtje të caktuara. Se thoshte sot, për shembull, që Lul Bravën e mbante Edi Rama peng me disa dosje. Po ky ka 100 dosje, po të jetë për atë punë, i ka dosjet kapicë. Sot Sali Berisha është i kapur nga Edi Rama”, tha Salianji.

Lidhur me garën për drejtimin e PD-së, Salianji e cilësoi procesin si jo politik, por administrativ, duke pretenduar se Berisha ka kontrolluar të gjithë mekanizmin e përzgjedhjes së kandidatëve. Sipas tij, janë përjashtuar emra të tjerë nga gara, janë caktuar listat dhe janë përdorur burimet financiare të partisë për aktivitete, duke e kthyer procesin në një formalitet ku kryetari aktual garon i vetëm.

“Unë do të kandidoj dhe e mund Sali Berishën. Dhe po e them prap. Me garë unë e mund. Këtu nuk jemi në një proces politik, jemi në një proces administrativ, ku Sali Berisha ka krijuar komisionin për të përzgjedhur kandidatët, ka përjashtuar kandidatët e tjerë, ka caktuar listat zgjedhore, ka përdorur burimet financiare të Partisë Demokratike për të bërë aktivitete dhe është vendosur, ashtu sikurse Kim Young Un, të jetë kandidat i vetëm. Rast unik në Europë ku një kryetar partie, sidomos në opozitë, kandidon i vetëm.”, deklaroi Salianji.

Ai shkoi më tej duke thënë se ky është: “Rast i parë në botë dhe do t’i ftoj ata të Guinness-it ta regjistrojnë, që një kryetar opozite krijon autokraci partiake dhe qëndron prej 36 vitesh në krye të një partie kur humbet.”

Zjarr Tv Adsxxxxxxxxxxxxxxxx

Dash Shehi kujton ’92: Ishim të zotë të rrëzonim diktaturën, por jo të ndërtonim shtetin

0

Kreu i Partisë LZHK, Dash Shehi, ka folur në një intervistë për emisionin “Interview” me Mirela Milorin, ku ka ndarë opinionet e tij mbi zhvillimin e shtetit shqiptar në 30 vitet e fundit, politikën aktuale si dhe jetën e tij personale.

Në një analizë mbi institucionet në Shqipëri, Shehi është shprehur kritik ndaj mënyrës së funksionimit të shtetit pas viteve ’90, duke theksuar se pavarësisht ndryshimeve politike, vendi nuk ka arritur të ndërtojë institucione të forta dhe të qëndrueshme.

Sipas tij, Shqipëria ka kaluar në një stad ku qeveriset nga individët dhe jo më institucionet.

“Shteti shqiptar nuk është mirë, fatkeqësisht nuk ka qenë ndonjëherë mirë në këto 30 vite. Në ‘92 kishim disi një fillim të mirë të ndërtojmë një shtet tjetër. Koha e tregoi që ai brez kishte fuqi të rrëzonin palën tjetër, diktaturën. Ishim të zotë. Për të ndërtuar pastaj demokracinë, treguam që kishim të gjithë dobësitë tona dhe sot e kësaj ditë shof që çalon shteti shqiptar në shumë gjëra.

Shoqëria shqiptare, politika nuk e kanë dashur shtetin sepse shteti në fakt është një çati ku futen të gjithë duhet ti mbrojë të gjithë, njëkohësisht të vendos dhe disa kufizime dhe këto kufizime shefave të Shqipërisë nuk u kanë pëlqyer ndonjëherë.

Shqipëria është qeverisur nga njerëz jo nga institucione.  Ato tentativat që bënte Ahmet Zogu për të ndërtuar disa institucione kishte disa suksese, mbërriti diçka. Enver Hoxha ndërtoi një shtet por një shtet për veten e vet, tani në periudhën tonë, filluam me qejfin që do bëjmë një shtet me drejtësi të pavarur, parlamenti të ketë kontroll mbi qeverinë dhe jo e kundërta dhe dështuam në shumë elementë.

Kulmi i dështimit të Shqipërisë ishte ‘97, ajo kohë tregoi që institucionet nuk ishin të zotë të mbronin veten e vet.

Rifilloi nga e para prap me nje Kushtetutë tjetër në ’98, e cila i tregoi të gjitha boshllëqet e veta.

Ne nuk qeverisemi më nga Kushtetutat apo instiutucione të pavarura, praktikisht qeverisemi nga dy njerëz, Rama dhe Berisha”, tha Dash Shehi.

Zjarr Tv Adsxxxxxxxxxxxxxxxx

Zgjedhjet për kreun e PD përfundojnë në gjykatë, Mereme Sela: U përjashtova në shkelje të statutit

0

Ashtu siç e kishte paralajmëruar, pas përjashtimit nga gara për kreun e PD-së, Mereme Sela do ta vijojë përballjen me Sali Berishën në Gjykatën e Shkallës së Parë të Tiranës.

Media ka mësuar se Sela ka paditur Partinë Demokratike me argumentin se u përjashtua nga gara me një vendim të paarsyetuar, të pamotivuar dhe në mungesë transparence procedurale.

Në padi, Sela thotë se përjashtimi është bërë “në shkelje të drejtpërdrejtë të të drejtave të saj statutore dhe parimit të barazisë në konkurrim.”

Në padi po asht thuhet se organet e partisë kanë lejuar kandidimin e Sali Berishës, në kundërshtim flagrant me ndalimin e parashikuar në statut, pasi neni “Basha” (neni 46) sanksionon se kryetari që humb zgjedhjet duhet të largohet nga drejtimi i partisë.

Mereme Sela i është drejtuar gjykatës me 5 kërkesa:

1. Shpallja e pavlefshme absolute e vendimit për skualifikimin e paditëses nga gara për Kryetar të PDSH-së;

2. Detyrimi i palës së paditur për rikthimin e paditëses në garë;

3. Shpallja e pavlefshme absolute e kandidimit të Sali Berisha;

4. Konstatimi i shkeljes së rëndë të statutit dhe parimeve të demokracisë së brendshme;

5. Vendosja e masës së sigurimit të padisë: pezullimi i menjëhershëm i procesit zgjedhor të datës 23.05.2026 deri në përfundim të gjykimit.

Zjarr Tv Adsxxxxxxxxxxxxxxxx

Tragjedia në Durrës, zv.kryeministrja Koçiu merr pjesë në homazhet për dy të miturit: Duhet të garantojmë standarde më të larta sigurie

0

Zëvendëskryeministrja Albana Koçiu ishte këtë të hënë pranë dy familjeve në Durrës, që humbën fëmijët e tyre në mënyrë tragjike gjatë një aksidenti që ndodhi ditën e djeshme. Në një postim në rrjetet sociale, Koçiu u shpreh se kjo është një dhimbje që nuk shpjegohet e ngushëllohet dot, dhe se gjithçka mbetet është t’u qëndrohet pranë familjarëve të të miturve që humbën jetën.

“Në këtë ditë të rëndë që ka tronditur çdo familje shqiptare, ndava nga afër dhimbjen me familjet që humbën engjëjt e tyre.

Është një dhimbje që nuk shpjegohet, nuk ngushëllohet e nuk kalon me asnjë fjalë apo përpjekje njerëzore. Kur jeta këputet në lulëzimin e saj më të pafajshëm, çdo ngushëllim është i vogël dhe i pafuqishëm.

Prindërit mbajnë mbi supe një peshë që asnjë zemër nuk duhet ta njohë. E vetmja gjë që mbetet është të qëndrojmë pranë tyre dhe të lutemi që të gjejnë forcë për të jetuar me këtë plagë që do të mbetet gjithmonë e hapur.“, tha Koçiu.

Më tej ajo shton se ky rast i rëndë thekson nevojën pët t’ju bindur rregullave dhe ligjit dhe për të kërkuar e garantuar standarde më të larta sigurie:

“Kjo tragjedi është një thirrje e dhimbshme që na përball me nevojën e domosdoshme për më shumë përgjegjësi, për respekt të palëkundur ndaj rregullave, standardeve dhe ligjit, por mbi të gjitha për një ndërgjegje më të lartë njerëzore. Është detyra jonë e përbashkët të kërkojmë dhe të garantojmë standarde të larta sigurie në çdo hapësirë, duke mos lejuar asnjë neglizhencë me pasoja të parikuperueshme për jetën.

U prehshin në paqe engjëjt e vegjël. Drita e tyre u bëftë forcë për prindërit në këtë rrugëtim të pafundmë dhimbjeje“, shton më tej zv.kryeministrja.

Ndërkohë gjatë ditës së sotme, pranë familjeve që kanë hapur dyert e mortit ka shkuar për ngushëllim edhe nënkryetarja e Kuvendit Klodiana Spahiu.

Spahiu ka vizituar të dy familjet, të cilat gjendet pranë njëra-tjetrës. Pritet që gjatë ditës të shkojnë edhe zyrtarë të tjerë në nivel lokal dhe qendror.

Ngjarja ka ndodhur dje rreth orës 14:10, në rrugën “Ohri”, në lagjen nr. 15 të qytetit bregdetar.

Nga pamjet e kamerave të sigurisë duket qartë se drejtuesi i mjetit ka humbur kontrollin dhe, pasi ka goditur fëmijët, ndalet vetëm pasi përplaset me një makinë të parkuar para një lokali. Fëmijët kanë qenë duke luajtur anës rrugës, e cila duhet theksuar se ishte një rrugë dytësore brenda lagjes dhe jo aks rrugor kryesor.

Drejtuesi i mjetit me inicialet N.R. ka qenë në gjendje të dehur dhe po ecte me shpejtësi të madhe.

Zjarr Tv Adsxxxxxxxxxxxxxxxx

“Kujtimi i tyre do të mbetet gjithmonë”, shkolla “Demokracia” reagon për dy fëmijët që humbën jetën në aksident

0

Shkolla “Demokracia” ka reaguar me një status të dhimbshëm pas aksidentit tragjik të së dielës në Durrës, ku dy nxënës të saj humbën jetën dhe një tjetër mbeti i plagosur.

Në reagim, shkolla njofton me dhimbje të thellë për vdekjen e dy të miturve, duke theksuar se ata janë ndarë nga jeta në mënyrë të padrejtë dhe të parakohshme. Në mesazh thuhet se kjo është një humbje e rëndë jo vetëm për familjet, por edhe për gjithë komunitetin shkollor dhe për të gjithë ata që i kanë njohur.

Po ashtu u shprehen ngushëllimet më të sinqerta familjarëve dhe të afërmve, duke theksuar se fjalët janë të pamjaftueshme për të përshkruar dhimbjen.

“Me dhimbje të thellë morëm lajmin për humbjen tragjike të dy nxënësve të mitur, të cilët u ndanë nga jeta në mënyrë të padrejtë dhe të parakohshme. Kjo është një humbje e rëndë jo vetëm për familjet e tyre, por për gjithë komunitetin, shkollën dhe këdo që pati fatin t’i njihte. Në këto momente të vështira, u shprehim ngushëllimet më të sinqerta familjarëve dhe të afërmve. Fjalët janë të pakta për të përshkruar dhimbjen, por lutemi që të gjeni forcë për ta përballuar këtë tragjedi të madhe. Kujtimi i tyre do të mbetet gjithmonë i gjallë në zemrat tona. U prehshin në paqe”, thuhet në mesazhin e postuar në faqen zyrtare të shkollës.

Zjarr Tv Adsxxxxxxxxxxxxxxxx

Agim Xhafka: Fëmijët i vrau, ai që ‘vrau’ këndet e lodrave dhe sheshet sportive

0

Publicisti Agim Xhafka ka reaguar në lidhje me aksidentin tragjik në Durrës, ku humbën jetën dy fëmijë të mitur, 10 dhe 13 vjeç, të cilët në momentin fatal, ishin duke luajtur në trotuarin e rrugës.

‘Fëmijët i vrau ai që “vrau” këndet e lodrave dhe sheshet sportive’, shkruan në Facebook, Agim Xhafka.

Me anë të këtij reagimi, Xhafka tregon se kjo ngjarje tragjike ishte një kronikë e paralajmëruar, pasi përgjegjësia bie mbi shtetin, bashkinë dhe qeverinë, ku të gjitha bashkë, kanë kontribuar që fëmijët sot të mos kenë më parqe dhe kënde lojërash, por të argëtohen në trotuaret e rrugëve, duke rrezikuar përditë jetën e tyre, pasi hapsirat publike i kanë zënë lejet e ndërtimit për pallate dhe qiellgërvishtës, të lëshuara nga drejtuesit e institucioneve shtetërore.

Zjarr Tv Adsxxxxxxxxxxxxxxxx

Aksidenti tragjik ku humbën jetën 2 fëmijë, pezullohen nga detyra 3 drejtues të Policisë Durrës

0

Pas aksidentit tepër të rëndë në Durrës, ku humbën jetën dy fëmijë, sot në 4 maj ka reaguar Policia e Shtetit.

Në një njoftim për mediet, policia shprehet se nisur nga rasti tragjik, është pezulluar nga puna drejtori i Policisë Vendore të Durrësit, Afrim Tafa.

Po ashtu është pezulluar zëvendësdrejtori për Rendin dhe Sigurinë Publike të DVP Durrës, kryekomisar Zija Sulaj si dhe shefi i Sektorit të Policisë Rrugore të DVP Durrës, kryekomisar Kreshnik Skëndo.  

Ndërkohë, Drejtoria e Standardeve Profesionale në Drejtorinë e Përgjithshme të Policisë së Shtetit ka nisur hetimin disiplinor për të vlerësuar nëse ka apo jo përgjegjësi në radhët e punonjësve të Policisë, për këtë rast.

Njoftimi i Policisë së Shtetit:

Nisur nga aksidenti shumë i rëndë i ndodhur dje, në qytetin e Durrësit, si pasojë e të cilit humbën jetën 2 të mitur dhe u dëmtua një tjetër, Drejtori i Përgjithshëm i Policisë së Shtetit Drejtues Madhor Skender Hita, në zbatim të Rregullores së Policisë së Shtetit, ka pezulluar nga detyra, për performancë të dobët në përmbushjen e detyrave:  

-Drejtorin e Drejtorisë Vendore të Policisë Durrës, Drejtues Afrim Tafa;           

-Zëvendësdrejtorin për Rendin dhe Sigurinë Publike të DVP Durrës, Kryekomisar Zija Sulaj;  

-Shefin e Sektorit të Policisë Rrugore të DVP Durrës, Kryekomisar Kreshnik Skëndo.            

Gjithashtu, menjëherë pas ngjarjes, Drejtori i Përgjithshëm i Policisë së Shtetit urdhëroi Drejtorinë e Policisë Rrugore për të ngritur një grup ekspertësh të cilët shkuan në vendngjarje  për të analizuar shkaqet dhe rrethanat e aksidentit.          

Ndërkohë, Drejtoria e Standardeve Profesionale në Drejtorinë e Përgjithshme të Policisë së Shtetit ka nisur hetimin disiplinor për të vlerësuar nëse ka apo jo përgjegjësi në radhët e punonjësve të Policisë, për këtë rast.

Zjarr Tv Adsxxxxxxxxxxxxxxxx
1...414243...9 842Faqja 42 nga 9 842