Deputeti Sajmir Korreshi nga foltorja e Kuvendit ka vijuar sarkazmën me ministrin e Shtetit për Marrëdhënien me Parlamentin, Toni Gogu, lidhur me rrugëtimin e Shqipërisë për në Bashkimin Europian.

Gjatë fjalës së tij, Korreshit tha se Shqipëria vazhdon të jetë shumë larg standardeve të Bashkimit Europian, dhe një anëtarësim i vendit në Union në këtë fazë, është një objektiv utopik.

Ai theksoi se një vend të cilit i shemben rrugët përditë, ka mungesë uji, dritash, shërbimesh mjekësore dhe s’ka drejtësi nuk mund të aspirojë për anëtarësim në BE.

“Të vjen të tall hevahetret kryetari i KLGJ-së në komisionin. Thotë: kemi ulur vonesat nga 16 vjet në 16 ditë vonesë. Thërrasim atë të KLP-së, ajo nuk ka xhevahire por… Është një komedi e fadil hasës që thotë 20 vjet mbrapa e 50 vjet anash, si do hymë në europë ne kështu? Se Europa nuk të qas pa ujë e drita. Ne jemi akoma me qenefë fiku, ju do hyni në europë.

Ai thotë reforma në shëndetësi, shkoni shihni onkologjikun, regjistrohesh dot pa mik atje? Ku janë këto  refomat në arsim? Në po na mbyllen klasat e shkollat. Si do hyjmë në euopë ne duke vjedhur fondet e BE, se hundët edhe ke specat i futët…

Rrëshqiti para ca ditësh rruga në Librazhd, si ka mundësi që na bien rrugët kështu neve? Nuk hyhet në europë me brekë të grisura…. Merrni furkë e tirrni lesh se vetëm për këtë punë jeni”, tha Korreshi ndër të tjera.

Presidenti i Partisë së Lirisë, Ilir Meta nga burgu i është përgjigjur ministrit të drejtësisë, Besfort Lamallari, i cili në Parlamenti tha ndër të tjera se “nuk ka patur persekutim politik për Ilir Metën”.

Me anë të një postimi në Facebook, ish presidenti i Republikës e ironizon duke e quajtur “Diella” e Drejtësisë dhe “pjellë e AKSHI-t”, sipas tij simbol i korrupsionit.

Meta ngre shqetësimet dhe problematikat me të cilat përballen të burgosurit, si mungesa e dritave, ujit apo edhe shërbimeve shëndetësore.

“Dëgjova “Diellën” e Drejtësisë që fliste për situatën në burgje dhe meqë nuk e di po e njoftoj që vetëm dje ka ikur 42 herë energjia elektrike te IEPV “Jordan Misja”, jo vetëm për mua, por për rreth 500 të burgosur e të paraburgosur që ndodhen këtu.

A e di “Diella” e Drejtësisë që këtu ka vetëm 3 orë ujë në ditë?

A e di “Diella” e Drejtësisë që në burgje vdesin qytetarë për mungesën e trajtimit të duhur shëndetësor?

A e di “Diella” e Drejtësisë që gardianët nuk kanë marrë asnjë qindarkë shpërblim për punën jashtë orarit, as ushqimin, as trajtimin që meritojnë sipas ligjit?

E ç’mund të presësh nga “Diellat”?

Ato janë pjellë e AKSHI-t, simbolit të korrupsionit skizofrenik”, shkruan Meta.

Ndërsa sa i takon respektimi të të drejtave të tij, Meta thekson “dua t’u kujtoj të gjithë qytetarëve që akoma nuk më kanë dorëzuar të zbardhur, as mua, as avokatit tim, vendimin e 2 korrikut 2025, të dënimit tim të dytë nga IEPV “Jordan Misja” për lirinë e fjalës”.

Kryetari i partisë “Lëvizja Bashkë”, Arlind Qori, në një lidhje me emisionin “Të Paekspozuarit” në MCN TV komentoi iniciativën e Ermal Hasimes dhe bashkëpunëtorëve të tij për të bashkëpunuar partitë e opozitës në një bllok opozitar. Qori përsëriti qëndrimin e partisë që drejton se me këto parti ka papajtueshmëri të thella morale dhe politike që e bëjnë të pamundur bashkëpunimin.  

“Kjo është një tezë që ka kohë që hidhet. Është iniciuar disa herë nga zoti Berisha për bashkimin formal të opozitës dhe mua më është dashur disa herë ta hedh poshtë këtë ftesë për një varg arsyesh.

Arsyeja e parë ka të bëjë një papajtueshmëri të thellë morale midis “Lëvizjes bashkë” dhe elitës drejtuese të PD-së, duke nisur nga Sali Berisha.

Ne jemi fund e krye kundër korrupsionit edhe mund të duket kështu si vetë lavdërim, por “Lëvizja bashkë” përbëhet edhe nga njerëz që janë jo vetëm të pakorruptuar, po edhe të pakorruptueshëm.

Në këtë kuptim, nuk do kishte sens që ne të bashkoheshim me një aksion politik me përfaqësues të partive që jo vetëm njihen botërisht si të korruptuar, por janë në këto momente që flasim, janë të pandehur për korrupsion ose janë në burg për korrupsion.

Imagjinoni sa absurde do të ishte që ne të dilnim të gjithë bashkë në një protestë dhe gjysmën e kohës të thoshin “free Ilir Meta”, “free Sali Berisha”. Tani këta, o duhet të shkojnë të gjithë në burg, o duhet t’i rrijnë të gjithë në liri.

Qëndrimi im është që duhet të jenë të gjithë në burg, e në qoftë se unë mendoj që Ilir Meta është mirë aty ku është, unë nuk kam si të bashkëpunoj me partinë e Ilir Metës, në qoftë se unë mendoj që Sali Berisha e ka vendin në burg, një lloj siç mendon edhe SPAK-u në akuzat që ka nxjerrë, unë nuk mund të ndaj të njëjtën platformë, të njëjtin aksion politik.

Me Sali Berishën, një papajtueshmëri e dytë ka të bëjë me pjesën e dytë dhe shumë pak të folur të atyre që janë përgjegjës për korrupsionin, pra për korruptuesit, për oligarkët. Partitë e tjera politike në Shqipëri ose mendojnë që nuk ka fare oligark, ose mendojnë që i vetmi oligark është Edi Rama.

PD-ja me Edi Ramën nuk është kundërshti e plotë, nuk është kundërshti strategjike. Ata janë praktikisht bashkë, duke u përpjekur nën rrogozë që të. Ristrukturojnë institucionet për keq dhe ligjet themelore të vendit, sepse kanë interesat përbashkët.

Edhe Edi Ramës dhe Sali Berishës i intereson shkatërrimi i reformës në drejtësi, ose të paktën ndryshimi i ligjeve të reformës në drejtësi, që do ta bënin më të vështirë për ndjekjen ligjore të rregullt të politikanëve apo njerëzve me pushtet, ashtu sikundër u intereson nga pikëpamja elektorale që sistemi i ardhshëm zgjedhor të jetë.

Ne kemi një dallim të fortë me Ramën, me Berishën dhe në përgjithësi me partitë e tjera politike në Shqipëri.

Asnjë parti tjetër sot Shqipëri nuk e vë gishtin plagë mbi shitjen e pasurive kombëtare si Sazani apo Zvërneci, që po jepen, po falen ose po jepen për dy lekë, në mënyrë që Edi Rama të rregullojë marrëdhëniet e tij me administratën amerikane.

Jemi kundër shitjes së pasurive kombëtare, jemi kundër instrumentalizimit të pasurive kaq të rëndësishme kombëtare. Vetë sovraniteti i Republikës së Shqipërisë për hallet e ditës së politikanëve, sikundër kemi qënë dhe vazhdojmë të jemi kundër kampeve të refugjatëve të ndërtuara nga qeveria italiane në Shqipëri, të cilat cënojnë sovranitetin territorial të Republikës Shqipërisë. Dua t’ju kujtoj që në ato kampe nuk zbatohet ligji shqiptar dhe mua më vjen keq po nuk kam dëgjuar ndonjë parti tjetër që të mbajë qëndrim për to.

Përveç qëndrimit për oligarkinë që kemi standard dhe sigurisht të ideve të tjera si drejtat në punë e një varg të tjera politikash ekonomike dhe sociale që na dallojnë fort. Prej partive të tjera, për të gjitha këto arsye, lëvizja bashkë nuk mund t’i bashkohet asnjë lloj koalicioni apo nuk e di si ta vëmë emrin që përfshin”, tha Qori.

Deputeti i PD, Edi Paloka, i pyetur për zhvillimet e brendshme në PD, debatet dhe pakënaqësitë në radhët e demokratëve, u shpreh se ai ka vendosur të qëndrojë dhe jo të largohet, pavarësisht se propozimet e tij në shumicën e rasteve nuk janë pranuar.

Paloka shkoi më tej, duke thënë se  mendimet i jap por nuk imponohet që të kalojnë për diskutim në strukturat më të larta të partisë.

“Nuk jam i pakënaqur me PD. Nuk jam pasiv por nuk jam në grupin organizator direkt për protestat”, tha Paloka duke shtuar se dikur ka drejtuar vetë protestat dhe për këtë ka bërë dhe burg.

Duke atakuar indirect, ish-deputetin e PD Ervin Salianji, Paloka tha se ndryshe nga të tjerë, ai “nuk e tund si Flamur” burgun sa herë t’i jepet rasti si ndonjë tjetër.

“Në fakt unë e kam bërë për protestat, për organizim të paligjshëm të protestave. Më akuzuan për dhunë ndaj policisë. Nuk e kam bërë për shpifje”, tha Paloka.

Këtu ka një gjë, vërtet ka diskutime, ka debate, në fund fare merren vendime dhe sigurisht shumica vendos dhe ne jemi të detyruar të zbatojmë vendimet që merr shumica. Pavarësisht se shumë nga propozimet e mia nuk janë pranuar edhe pse kanë dalë ashtu sic kam thënë unë.

Kur nuk dëgjohesh ose fillon bërtet, i bie tavolinës me grusht ose rri një pozicion në heshtje dhe mbase nuk flet më. Ka disa qasje. Unë mendimet e mia i jap por nuk imponohem që të kalojnë në shkallë të tjera. Nuk jam i pakënaqur me PD. Nuk jam pasiv por nuk jam në grupin organizator direkt për protestat.

Dikur kam drejtuar vetë protestat, madje kam bërë dhe burg por nuk e tund si flamur burgun sa herë të më jepet rasti si ndonjë tjetër. Por nuk jam ndarë, jam aty sa herë të kenë nevojë.