Kryetari i Partisë Demokratike, Sali Berisha po zhvillon dje një takim me demokratët e Lezhës. Në pjesën e pyetje-përgjigjeve njëri prej qytetarëve e pyet doktorin për vijëmësinë e qëndrimit të tij në krye të PD-së.

“Doktor, kaq e vështirë është të dorëzosh stafetën?”, ishte pyetja e demokratit, për të cilin Berisha e pati një përgjigje.

Ai tha se pasardhësi i tij nuk do jetë kurrë djali apo vajza, por lideri i Partisë Demokratike do të zgjidhet nga vetë demokratët.

Pyetje nga qytetari: Kaq e vështirë është të dorëzohet stafeta doktor, se pse jeni një person që keni dhënë prova në 2013 si një burrë shteti, e ke dorëzuar, por kam dyshimin se ke frikë se mos vjen ndonjë Lul tjetër, edhe për këtë ke arsye.

Berisha: Të them me sinqeritet, të vetmen gjë që nuk mund ta bej kurë, pasardhësin. Nuk është reale, nuk kam ndërmend të lë pasardhës, as vajzën as djalin tim, pasardhësin ua lë ju, do ta zgjidhni ju atë që të besoni më shumë.

Aktori Mehdi Malkaj, është shprehur se shqiptarët nuk dalin në protesta pasi kanë frikë nga ajo çfarë mund të ndodhi pas saj.

Aktori thotë se edhe kur i ka ftuar njerëzit ti bashkohen në protesta, siç ishte ajo për teatrin, njerëzit kanë refuzuar duke u shprehur se ata nuk kanë punë ti bashkohen, teksa ka theksuar se kanë frikë se u hiqet buka e gojës.

Nisur nga fakti se në protesta nuk dalin as aktorët, apo figurat publike, Malkaj thotë se ka kërcënime nga qeveria për pushime nga puna.

“Këtu ka një fjali të vogël me emër mbiemër dhe ndonjë mbushje, po nuk u vra kjo nuk bëhet gjë. C’më duhet mua, unë i kam thënë në protestën e teatrit, po ik ore c’më duhet mua sipas frikës së tyre. Mos të gënjejmë, është frikë, këtu lozet për bukën e gojës, baballarët thonë obobo. Ishte Enver Hoxha që kishte nenin 55 që thoshte mua mos më shaj se të burgos dhe të vras, ky thotë fol sa të duash por të nesërmen e ke të gjithë fisin të pushuar nga puna”,- është shprehur Malkaj në Top Story.

Pas përplasjes në distancë që kanë patur në muajt e fundit, ish-deputeti i Partisë Demokratike, Ervin Salianji, ka ashpërsuar tonet ndaj sekretarit të përgjithshëm të kësaj force politike, Flamur Nokës, duke deklaruar se ky i fundit “nuk kapërcen dot kufijtë shtetërorë”.

Në një intervistë për Klan News, Salianji hodhi poshtë akuzat e bëra ndaj tij nga Noka që takimet atij “ia organizon krimi”, duke i cilësuar si të pabaza dhe duke theksuar se ai ka qenë një nga denoncuesit kryesorë të grupeve kriminale në vend.

Jacaj: Zoti Salianji, çfarë marrëdhënie keni me sekretarin e përgjithshëm të PD-së Flamur Noka, i cili ka patur deklarata dhe akuza të forta ndaj jush, që kulmuan në takimin e Elbasanit, për të cilin tha se është organizuar nga elementë të krimit.

Salianji: Në partitë politike…

Jacaj: Edhe ju keni bërë një reagim shumë të madh, duke thënë se Flamur Noka është aksidenti më i madh politik dhe pse PD ndodhet këtu ku është.

Salianji: Në partitë politike ka një parim, siç ka në jetën publike. Thuaje një akuzë dhe faktoje. Këto janë idiotësi, njerëz që janë akuzuar. Unë kam qenë denoncuesi më i madh i krimit, nga Suel Çela në Elbasan, tek Bajrat në Shkodër, tek Troplinët në Durrës, tek Xhafajt në Vlorë, tek çdo bandë kriminale në venmd. Unë jam deputeti që i ka denoncuar me emër dhe kam thërritur interpelanca për këta emra.

Disa kufij nuk kapërcehen, sepse nëse kapërcehen kufij të imoralitetit politik, siç është kjo, të akuzave të pabaza, unë nuk po them asnjë gjë, por nuk mund të vijnë akuza nga njerëz  që nuk mund të kapërcejnë dot kufij të tjerë shtetërorë.

Jacaj: Cilët kufij nuk kapërcen dot Flamur Noka?

Salianji: Kaq kisha për këtë rast. Nuk kam asnjë gjë personale me asnjë njeri. Nëse thuhen akuza, sepse personi që u akuzua në Elbasan, që ishte kryetar grupseksioni. Është akuzuar një njeri në Elbasan me emër dhe mbiemër dhe i reagoi ai personi dhe nxori foto me atë, me sekretarin e përgjithshëm të partisë. Kjo është dhe një akuzë e pacië në çdo dimension. Po unë kam qenë drejtues politik i PD-së në Elbasan. Po qe se e kanë dit këta. Për çfarë më çoi gjithë partia në Elbasan? Ngaqë paskam pas lidhje me krimin? Më çoi si luftëtar ndaj krimit, ndaj krimit. Unë jam njeriu simbol i luftës ndaj krimit të organizuar dhe i kostove që vijnë për shkak të përballjes me krimin e organizuar.

Jacaj: Nga ana gazetareske dua të ndalem pak. Nuk kapërcen dot kufijtë e tjerë, ka dy mundësi siç mund ta kuptoj unë, ose është një bllokim i ndalimit për të dalë jashtë vendit, ose ka aleatë strategjikë që i ndalojnë hyrjen.

Salianji: E kisha si metaforë, kështu që u kuptuam me metaforën.

Anëtari i Këshillit Kombëtar të Partisë Demokratike, Ilir Alimehmeti, është shprehur se ka diskutuar me kreun e PD-së, Sali Berishën, në mënyrë që ky i fundit ‘të shkrijë akullin’ me Ervin Salianjin.

Komentet Alimehmeti i bëri në emisionin ‘Terminal’ me gazetaren Aurora Sulçe në A2 CNN, teksa u pyet për bisedimet e tij me Berishën nga gazetari Flogert Muça.

Alimehmeti tha se ka bërë përherë rolin e negociatorit mes Berishës dhe Salianjit, me qëllim gjetjen e një gjuhe të përbashkët mes tyre, pas akuzave të ndërsjellta që ata kanë hedhur ndaj njëri-tjetrit.

Po ashtu, Alimehmeti shtoi se këtë rol të negociatorit e ka bërë me çdo faktor opozitar, me qëllim gjetjen e një emëruesi të përbashkët për rrëzimin e kryeministrit Edi Rama nga pushteti.

Kujtojmë se pasi Ervin Salianji nisi ‘foltoret’ me qytetarët, ka pasur një përplasje të vazhdueshme mes tij dhe kryedemokratit Sali Berisha.

Pjesë nga bideda në studio:

Muça: Nëse mund të na thuash, a keni komunikuar me doktorin që ta relaksoni këtë situatë që të mos përjashtohen njerëz si Salianji që në finale mbledh njerës dhe demokratë?

Alimehmeti: Po, pajetër. Ky është qëndrimi im dhe ky do jetë gjithmonë. Kjo ka ndodhur vazhdimisht, nuk është diçka që ndodhi sot. Në mënyrë të vazhdueshme unë këtë punë kam bërë. Kjo është detyra ime, që gjithkënd që mundem ta afroj brenda një emëruesi të përbashkët për rrëzimin e Edi Ramës një orë e më parë.

Bashkë me opozitën do të bashkëpunojnë dhe shumë faktorë të tjerë të rëndësishëm për largimin e kryeministrit Edi Rama. Kështu u shpreh kreu i PD-së Sali Berisha në konferencën me gazetarët, sipas të cilit largimi i Ramës nga pushteti është strategjia e opozitës.

“Strategjia e opozitës është largimi i tij një minutë e më parë nga pushteti. Opozita është e sigurtë që do të realizojë objektivin e saj. Kjo është dhe ka besim të madh tek guximi, k besim të madh tek trimëria, ndershmëria e qytetarëve shqiptarë. Ka besim të madh se përkrah opozitës shqiptare, së bashkë me opozitën shqiptare, do bashkëveprojnë dhe bashkëpunojnë shumë e shumë faktorë të tjerë rëndësishëm në shoqërinë shqiptare, që duan ta përzënë 1 minutë e më parë, këtë të keqe të madhe, këtë organizatë kriminale që udhëhiqet nga Edi Rama”, tha Berisha, përcjell A2 CNN.

Për kreun demokrat ky është viti i përmbysjes së diktaturave, teksa shprehu edhe mbështetjen për opozitën iraniane në betejën e saj kundër regjimit.

“2026-a, viti i përmbysjes së diktaturave. Viti i zi për diktatorët. Viti i lirisë për kombet. Pas vendosjes para gjykatës të Maduros apo Ramaduros së Venezuelës, radhën duket se e kanë Ajetollahët e Iranit. Kombi pers është i tëri në këmbë për lirinë dhe dinjitetin kombëtar, kundër regjimit më obskurantist që ata kanë njohur në tërë historinë e tyre të gjatë, regjimit të Ajetollahëve. Ky regjim në grahmat e fundit po përdor të gjitha armët dhe mjetet dhe ditët e fundit ka me qindra në mos mijëra martirë të lirisë. Por marshi i revolucionit iranian drejt fitores nuk ndalet me asgjë. Regjimi i Iranit i ka ditët e numëruara. Liria e iranianëve ka çmimin e saj, por burrat dhe gratë, djemtë, vajzat e këtij kombi janë të gatshëm ta paguajnë atë. PD mbështet me forcën më të madhe opozitën iraniane në betejën e saj për një Iran të lirë, demokratik dhe të pavarur. PD i bën thirrje qeverive të vendeve të lira, SHBA në radhë të parë, të ndihmojnë me të gjitha mundësitë popullin vigan iranian të çlirohet nga ky regjim obskurantist”, theksoi Berisha.