Artisti Ismet Drishti deklaroi se artistët dhe gazetarët “duhet të jenë gjithë jetën në opozitë”.

“Unë jam i parimit që artisti dhe gazetari duhet të jenë gjithë jetën në opozitë, pavarësisht se kush është në pushtet. Edhe nëse është fantastike situata, duhet të gjejë çfarë i mungon për t’u bërë më mirë. Mirëpo, hallet e artistit janë si hallet e të gjithë shqiptarëve. Dhe, për hall, artisti i afrohet politikës. Politika, poi u afrove, të bën pis”, tha Drishti në studion e “Off the Record” nga Andrea Danglli, në A2CNN.

“Unë jam i idesë që idealizmi ka vdekur në politikë. Ne kemi vetëm banda që luftojnë për të marrë pushtete në fusha të ndryshme, siç funksionon çdo bandë. Kështu që, po iu afrove politikës, do të bëhesh pis. Politikanit më të mirë në Shqipëri, nëse i shkon nga mbrapa dhe i mbështet fjalën, minimalisht do të nxjerrë gënjeshtar. Sot unë po shikoj të rikthehet komunizmi i keq. Kam njohur vetë njerëz që shkonin në mbledhje partie atëherë dhe i linin fëmijët në të ftohtë, zbathur. Sot kemi arritur në të njëjtën situatë, nuk mund të mbijetosh pa u lidhur me politikën”, shtoi Drishti.

Gazetari Blendi Fevziu, i ftuar në emisionin “Të Paekspozuarit” në MCN TV, ka deklaruar se Partia Demokratike, me Sali Berishën në krye, janë thjesht duke u përpjekur të mbijetojnë dhe jo të mundin Edi Ramën.

Fevziu tha se duhet një alternativë konkurruese për zgjedhjet e ardhshme, ndërkohë që deklaroi se Berisha mund të qëndrojë si kryetar simbolik, por të hapë garë për kandidatin e PD si kryeministër.

Biseda në studio: 

Ylli Rakipi: Pra doktori pasi përplasi ata që kishte thirrur me policinë, deklaroi që aty ishte uragani i lirisë, tani ne e pamë sa njerëz ishin aty. Nuk kemi moshë të na gënjejë, se thotë dhjetëra mijëra njerëz, po aty 300 veta dalin…

Blendi Fevziu: Nëse e merr në stilin retorik të Berishës, edhe në vjeshtën e ’97, Berisha të njëjtin stil ka patur. Retorika e Berishës është e njëjtë, nëse merrni konferencën e para një apo dy protestave, këtë ka thënë, uragani bly, dridhja e qeverisë. Problemi është, nëse futemi te protesta, PD është future në “surviving mode”, mendon se filozofia e saj duhet të jetë mbijetesa.

Ylli Rakipi: Berisha, jo PD, se s’kemi PD.

Blendi Fevziu: Ata pretendojnë që PD është nën një presion të fortë politik, ekonomik, mediatik, thonë Rama ka kapur çdo institucion, dhe Berisha thotë mbijetesa është arritje për opozitën. Ose mbijetesa ose të kthehet në alternativë. Për momentin Berisha pretendon se  alternativa për të mundur qeverinë është e vështirë. Shihni çfarë thotë për Salianjin, që është i futur nga Rama. Pra opozita është në “surviving mode”, mund ta bëjnë më 50-100 vetë, edhe me 300, 3 mijë apo 30 mijë. E gjithë strategjia, është mbijetesa. Kam përfaqësues të PD që kur vijnë në studio, me përjashtim të Këlliçit, vijnë dhe thonë se po mbijetojmë dhe nuk po dorëzojmë opozitën te Rama.

Problemi është 2027, kemi zgjedhje lokale, ndërsa në 2029 të përgjithshme. Opozita duhet të kthehet në alternativë, duhet një reformë e plotë brenda PD. Deri tani Berisha thotë Rama po tenton të asgjësojë opozitën, ne do të rezistojmë. Nëse do të dalë më parullë do të mundim Ramën, do të ketë një ofertë dhe stratgji tjetër. Unë mendoj se opozita duhet të shkojë drejt një alternative konkurruese. Për protestën, ishte edhe shiu që nuk e favorizonte.
Tjetra, nuk mund ti thërrasësh njerëzit me të njëjtin skenar pa patur përfundim. Kjo është mënyrë që PD ka mbijetuar edhe në situate të tjera të vështira. Çfarë mund të ndodhë në PD? Mendoj se PD ka lindur me Berishën dhe një grup njerëzish dhe Berisha e dominon këtë parti. I takon Berishës të vendosë se çfarë do të ndodhë me këtë parti në të ardhmen.

Ylli Rakipi: Bëri një provë me Bashën ai, dështim total. Vuri Bashën, bënte sikur nuk ishte, vuri maskën e Bashës.

Blendi Fevziu: Në vitin 2013 edhe unë mendoja se Basha ishte e ardhmja e PD, por koha tregoi se ishte dështim.

Ylli Rakipi: Basha u mor me zor dhe u katapultua aty.

Blendi Fevziu: Në 2013 të dukej Basha si alternativë reale?

Ylli Rakipi: Jo. Më ka thënë Meta atëherë, por unë e pashë i tronditur. Ne e dimë shumë mirë, që njeriu që vjen në krye vjen pas një lufte të madhe dhe fiton. Përshembull ndryshe na ardhur Rama, me betejë të ashpër, ka ngrënë njëri pas tjetrit…

Blendi Fevziu: Rama ka dalë kandidat kundër kryeministrit për kryetar partie. Ka marrë shumë pak vota, por edhe mënyra si e mori PS, nuk të lë asgjë impresionues.

Ylli Rakipi: Pra Berishës nuk i eci, i doli diçka qesharake. Në këtë lloj sistemi, gara është thelbi i gjithçkaje dhe nuk e kam besuar.

Blendi Fevziu: Kur Basha ishte ministër ishte mjaft aktiv. Pse u transformua? Pse kur mori Bashkinë dhe PD, u kthye e kundërta?

Ylli Rakipi: Sepse pesha që i hodhën sipër ishte më e madhe se supet e tij dhe ai këtu nuk është fajtor, por një viktimë.

Kryetarja e Bashkisë së Vlorës, Brunilda Mersini, ka reaguar në lidhje me protestën e tregtarëve në Vlorë, të cilët janë kundër mbylljes së tregut në qendër të qytetit. Ataa janë mbledhur fillimisht në treg dhe më pas janë zhvendosur drejt ambienteve të bashkisë, ku kanë kërkuar një takim me drejtuesen e institucionit.

Mersini është shprehur se tregtarët janë njoftuar prej 5 muajsh për zhvendosjen e mallrave dhe lirimin e ambienteve, në bazë të vendimit të Këshillit Bashkiak.

Ajo ka deklaruar gjithashtu se është vënë në dispozicion një strukturë tjetër në zonën e Çoles, si edhe tregu industrial, ku tregtarët mund të ushtrojnë aktivitetin gjatë periudhës së rikonstruksionit.

Sipas saj, këto ambiente janë të lira dhe të gatshme për t’u përdorur nga tregtarët për të paktën një vit, që është edhe afati i parashikuar për përfundimin e punimeve në tregun ekzistues.

“Që prej fundit të muajit dhjetor dhe fillimit të janarit, ne jemi takuar me tregtarët e fruta-perimeve dhe ata të tregut industrial, ku kemi kërkuar që, përmes takimeve, të gjenim një zgjidhje të përbashkët. Ka qenë e pamundur, pasi ata nuk kanë rënë dakord me njëri-tjetrin për zonat që u kemi përcaktuar. Nga muaji shkurt, me vendim të Këshillit Bashkiak, u vendos që të funksionojnë dy tregje: një për fruta-perimet dhe një tjetër për tregun industrial, i cili aktualisht ka një pjesë ku operohet për tregun e fruta-perimeve me shumicë dhe një pjesë tjetër që është e përshtatshme për tregun industrial. Rikonstruksioni i tregut i shërben vetë atyre dhe ka qenë shqetësim edhe i banorëve, pasi kushtet kanë qenë të pafavorshme. Ky investim është i domosdoshëm për të krijuar kushte më të mira dhe brenda një viti, që besoj do të jetë afati i përfundimit të rikonstruksionit, ata do të rikthehen në një treg të ri të rindërtuar. Tregtarët janë njohur me vendimin e Këshillit Bashkiak dhe kanë pasur kohë të mjaftueshme për të marrë masa që prej muajit shkurt, kur janë zhvilluar edhe disa takime. Unë kam kërkuar të takohem me përfaqësuesit e tyre, por ata nuk kanë rënë dakord dhe nuk kanë arritur të caktojnë përfaqësues për t’u takuar me ne”, tha ajo.

Mbyllja e tij vjen në kuadër të një projekti rehabilitimi të zonës pranë Sahatit, pjesë e planit për rikualifikimin urban të qendrës së qytetit.

Kryetari i Partisë Demokratike, Sali Berisha, ka reaguar me tone të ashpra ndaj raportimeve mediatike mbi numrin e pjesëmarrësve në protestën e opozitës të mbajtur më 8 maj.

Përmes një konference për mediat, Berisha e ka cilësuar tubimin si një “uragan lirie” që tronditi themelet e asaj që ai e quan “narkoregjimi” i kryeministrit Edi Rama, duke hedhur poshtë pretendimet e mediave qeveritare se në shesh ishin mbledhur vetëm rreth 100 persona.

“Uragani i lirisë i datës 8 maj tronditi në themele narkoregjimin e Edi Ramës, Lubi Ballukut dhe Lindave të tij. Ky uragan pati një jehonë të jashtëzakonshme në mediat botërore. Kauza e drejtë e protestës së dhjetëra mijëra qytetarëve që në një ditë shiu të plotë, me guxim të jashtëzakonshëm kundrejt një terrori shtetëror dhe mediatik të paparë, mbushën anekënd bulevardin e komnit për të shprehur revoltën e tyre ndaj qeverisë së paligjshme të Tiranës.

Ndaj Edi Ramës që shndërroi zgjedhjet në farsë elektorale. Ndaj një njeriu që nuk ka legjitimitet. Nuk ka legjitimitet sepse përdori 83 mandatet e krimit për të mbrojtur vjedhjet e tij dhe të Lubi Ballukut. Për të mbrojtur Lindat e tij në AKSHI-n, kopshtin privat të familjes Rama. Ky uragan, të cilin mediat e qeverisë e paraqitën si një grumbullim 100 vetash apo pak mijëra ato më zemërgjerat, tronditi jo vetëm regjimin, por ushtoi në mbarë botën”, u shpreh Berisha.

Sipas liderit demokrat, dhjetëra mijëra qytetarë sfiduan motin me shi dhe “terrorin shtetëror” për të protestuar kundër korrupsionit, vjedhjeve të pretenduara qeveritare dhe manipulimit të proceseve zgjedhore.

Berisha theksoi se kauza e opozitës dhe reagimi i ashpër i policisë ndaj protestuesve kanë marrë një jehonë të jashtëzakonshme në mediat ndërkombëtare, duke e kthyer 8 majin në një prej kryelajmeve të mediave më të rëndësishme në botë.

“Ushtoi në mbarë botën për këto arsye. Së pari, këta protestues guximtarë kanë një kauzë të drejtë, luftojnë një regjim që i ka vjedhur dhe mbron vjedhjet e tij.

Dhe kjo është arsyeja se pse mediat e botës së qytetëruar kanë përshëndetur këtë protestë, këtë revoltë, këtë kryengritje paqësore. Së dyti, qëndrimi shtazor, barbar, primitiv i narkopolicisë për çfarë shpërfaqi para botës fytyrën e vërtetë të narkoshtetit të Edi Ramës.

Të gjitha këto bënë që 8 maji ishte kryelajmi i medieve botërore. Nuk gjen një lajm tjetër në mediat botërore të transmetuar me kaq vlerësim sa ç’u transmetua kryengritja paqësore në bulevardin e Tiranës. Dhe egërsia e policisë së narkoshtetit”, shtoi Berisha.

Akademiku Artan Fuga ka komentuar situatën politike të Erion Veliajt në emisionin “Dita Jonë” në A2CNN, duke e cilësuar kryebashkiakun e Tiranës si një figurë të braktisur nga partia dhe njerëzit e afërt.

Nga ana tjetër Fuga vëren brenda kësaj fatkeqësie një trajtim të privilegjuar nga polici në seancën gjyqësore. Akademiku thotë se situata që zbulon një çast dramatik nga jeta e Veliajt të kujton sakrificat e ish-funksionarëve të komunizmit për partinë.

“Nga njëra anë kemi një personazh të hedhur tej nga partia e tij, edhe nga shokët dhe miqtë e tij, dhe nga ana tjetër, brenda kësaj fatkeqësie ka një trajtim të privilegjuar në seancën gjyqësore nga polici. Duket sikur, shiko ne të kemi futur aty, por ti je përsëri shoku jonë, je miku ynë”, u shpreh Fuga. 

 “Kjo situatë dramatike që unë e kam studiuar dhe në kohën e komunizmit, që ti po sakrifikohesh për partinë, të dënojmë por s’kemi çfarë të bëjmë, kjo m’u duk një moment që zbulon një çast dramatik nga jeta e Erion Veliajt, të cilën ai me përgjegjësinë e vet duhet ta menaxhojë”, tha ndër të tjera akademiku.