Betejën e saj kundër koncesioneve te dhëna nga qeveria opozita e zhvendosi ne seance plenare. Sulmin ndaj qeverise e ka udhëhequr si zakonisht te enjteve Sali Berisha, i cili ka shmangur akuzat për LSI e ka folur per qeverinë Rama-Kokedhima. Por kryeministri Edi Rama i ka kujtuar se ne kohen kur drejtonte vendin Berisha ne 8 vite ka dhëne 173 koncesione, ndërsa kabineti i drejtuar prej tij ka dhene vetem 14. Por mbrojtja e kryeministrit nuk i ka penguar demokratet te akuzojnë ministrin Beqaj per korrupsion. Kritikat per koncesionet jane boshti i sulmeve te opozitës kundër qeverise Rama, pasi sipas demokrateve këto koncesione u janë dhene klientëve te kryeministrit e qytetaret nuk kane përfituar asnjë shërbim te përmirësuar.

Tetë milionë lekë për gjelbërimin në rrugën e re të Beratit, së shpejti realizohet dhe ndriçimi i dëmtuar dy herë. Apelohen qytetarët për ruajtjen e hapësirave publike
BERAT- Një fond prej tetë milionë lekë të vjetra ka investuar bashkia e qytetit, me të cilat Ndërmarja e Gjelbërimit ka mundësuar mbjelljen e 100 pemëve të reja.

Segmenti nga vendi i quajtur “Ypsilon”, në drejtim të Urës së Velabishtit është gjelbëruar për herë të dytë, pasi pemët e para të mbjella u dëmtuan nga ana e vetë qytetarëve. Për të inspektuar sot përfundimin e punës në këtë rrugë të re, e ndërtuar së fundmi, kanë qënë përfaqësues të bashkisë, prefekturës dhe ndërmarrja përkatëse. Nënkryetari i bashkisë, për shërbimet publike, Bledar Blana, bëri me dije se pas investimit për gjelbërimin do të zgjidhet dhe problemi i ndriçimit në këtë zonë, i cili është realizuar dy herë, në vitet 2009 dhe 2013, por që është vjedhur. “Ndërmarja e Shërbimeve Publike, është riorganizuar, po bëhet gati skema për të sjell ndriçimin në ato lagje, ku ajo mungon, pasi është dëmtuar, ose është vjedhur. Politikat tona janë që çdo lagje do të ketë ndriçimin e duhur, tashmë ndërmarja ka dhe një mjet, tip autokull, për të bërë rimontin e duhur atje ku ka dëme,” bëri me dije nën/kryetari i bashkisë.

Drejtori i Ndërmarjes së Gjelbërimit siguroi sot se puna e nisur për mbjelljen e pemëve të reja do të vazhdojë.  “Puna me gjelbërimin do të vijojë me aksin rrugor nga Dogana në drejtim të vendit të quajtur “Ypsiloni”, ku do të mbillen 50 rrënjë kumbulla të kuqe,  dhe më pas do të vazhdohet deri në afërsi të Urës së Goricës, ku do të mbillen 50 pemë të tjera të quajtura fotini”, tha drejtori i Ndërmarjes së Gjelbërimit, Ardit Hoxha.
Kryetari i rajonit me numër 1 Mirel Konomi, nga ana tjetër i bëri thirrje qytetarëve, banorëve të këtij rajoni që të ruajnë hapësirat publike. “Ky segment ka qënë i ndriçuar që në vititn 2009, por që është dëmtuar, po kështu dhe në 2013 është ndriçuar sërisht,  mendojë që ne nuk duhet të arrijmë më në këtë fazë, pasi dhe bashkia nga ana e saj do të marr të gjitha masat për ruajtjen e investimeve, por dhe nga ana tjetër qytetarët duhet të ndërgjegjësohen”, tha kryetari i rajonit.

Policia e Vlorës ka njoftuar goditjen e një baze kriminale që merrej me shfrytëzim prostitucioni. Policia qytetit bregdetar, në kuadër të operacionit “Minorenia”, kanë arrestuar 3 persona, dy prej të cilëve janë femra.
Bëhet fjalë për 39 vjeçaren Laureta Alili, 20 vjeçaren Xhoana Çelaj dhe 21 vjeçarin Klaudio Kovaçi, të tre banues në Vlorë.
Sipas policisë, tek Parku i Tregtisë, në vendin e quajtur “Bar-Colombo”, u bë e mundur kapja dhe arrestimi në flagrancë i Laureta Alilit, e cila është arrestuar duke shfytëzuar për prostitucion Xhoana Çelajn kundrejt një vlere prej 5 000 lekë (para’ që jepeshin nga persona të autorizuar për ndërhyrje).
Është ndaluar edhe Klaudio Kovaçi, i cili shfytëzonte për prostitucion bashkëjetuesen e tij, Xhoana Çelajn.

Policia në Republikën Serbe ka arrestuar V.B. nga fshati Trnjani dhe vajzën e saj S.B. 26 vjeçe të dyshuara për vrasjen e tri bebeve të lindura nga S.B. Janë arrestuar gjithashtu edhe tre meshkuj, prindër të bebeve.
Të dyja sipas gazetës serbe “Blic” janë arrestuar nën dyshimin për vrasjen e dy djemve dhe një vajze. V.B. akuzohet se ka vrarë dy fëmijë të posalindur, transmeton lajmi.net.
aa
Njëri nga të arrestuarit, i cili dyshohet se është edhe prindi i njërës nga bebet e vrara, është edhe vëllau i nënës së bebes. Pra, njëra nga bebet dyshohet të ketë ardhur në jetë si rezultat i marrëdhënies seksuale motër-vëlla.
aaa
S.B. i kishte lindur fëmijët në vitet 2011, 2013 dhe 2015. Nëna e saj dyshohet se i kishte vrarë dy foshnjet e posalindura, dhe një tjetër ishte vrarë nga vetë S.B. Foshnjat besohet të jenë varrosur në një arë rreth 300 metra largë shtëpisë

Nëse Qeveria nuk reflekton deri në protestën e 17 shkurtit, opozita e bashkuar po planifikon të organizojë protesta të përditshme, duke ia rritur kështu presionin ekzekutivit për të dhënë dorëheqje.
Partitë opozitare i kanë dhënë afat kryeministrit, Isa Mustafa, deri më 17 shkurt që të japë dorëheqje dhe t’i shpallë zgjedhjet e parakohshme, në të kundërtën do ta aplikojnë planin “B” për rrëzimin e Qeverisë.
Sipas opozitarëve, nëse deri në përvjetorin e tetë të pavarësisë së Kosovës nuk reflekton kjo Qeveri, atëherë do t’i ndryshojnë metodat e veprimit, duke organizuar protesta edhe më të shpeshta, deri në ato të përditshme.